அரக்கோணம் மும்பை ரயில் மார்கத்தில் இச்சிபுத்தூர் - திருத்தணி ரயில் நிலையங்களுக்கு இடையே தண்டவாளம் அருகில் அடையாளம் தெரியாத 70 வயது மதிக்கத்தக்க முதியவர் பிணம் கிடப்பதாக அரக்கோணம் ரயில்வே போலீசாருக்கு தகவல் கிடைத்தது.
அதன்பேரில் சம்பவ இடத்திற்கு சென்ற போலீசார், முதியவரின் உடலை மீட்டு அரக்கோணம் அரசு மருத்துவமனைக்கு அனுப்பிவைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.
முதியவரின் உடல் தீவிரமாக அடிபட்ட நிலையில் இருந்ததாக கூறப்படுகிறது. இதனால், அவர் ரயில் எதிர்பாராதவிதமாக மோதிக்கொண்டு உயிரிழந்திருக்கலாம் என்று போலீசார் சந்தேகிக்கின்றனர்.
முதியவரின் அடையாளம் தெரியாததால், அவரது உறவினர்களைக் கண்டுபிடிப்பதற்கான முயற்சிகள் மேற்கொள்ளப்பட்டு வருகின்றன.
