அவர்கள் முன்னுக்குப்பின் முரணாக பதிலளித்ததால் போலீசார் தீவிர விசாரணை நடத்தினர். அதில், அவர்கள் சென்னை தாம்பரத்தை சேர்ந்த ராஜ்குருவி(25), விழுப்புரத்தை சேர்ந்த குமார்(40), தூத்துக்குடியை சேர்ந்த கோபால்(30) என்பதும், பெங்களூருவில் இருந்து சென்னைக்கு கன்டெய்னர் லாரியில் குட்காவை கடத்தி வந்ததும் பள்ளிகொண்டா டோல்கேட் அருகே போலீசார் கண்காணிப்பதை அறிந்த அவர்கள், கன்டெய்னர் லாரியை டோல்கேட்டிற்கு முன்பாகவே நிறுத்திவிட்டு, காரில் வந்ததும் தெரியவந்தது. இதையடுத்து போலீசார், கன்டெய்னர் லாரியை சோதனையிட்டனர். அதில் சுமார் ரூ.20 லட்சம் மதிப்பிலான குட்கா உள்ளிட்ட புகையிலை பொருட்களை இருப்பது தெரியவந்தது. குட்காவுடன் கன்டெய்னர் லாரி மற்றும் கார் ஆகியவற்றை போலீசார் பறிமுதல் செய்தனர். மேலும், இதுகுறித்து பள்ளிகொண்டா போலீசார் வழக்குப்பதிந்து ராஜ்குருவி உள்ளிட்ட 3 பேரையும் கைது செய்து விசாரணை நடத்தி வருகின்றனர்.
