ராணிப்பேட்டை மாவட்டத்தில் மகளிர் சுய உதவிக்குழுக்கள் உற்பத்தி செய்யும் பொருட்களை மக்களின் கைகளில் சேர்ப்பதற்காக ஒரு கண்காட்சி நடத்தப்படுகிறது. இந்த கண்காட்சி கலவை பேரூராட்சி பஸ் நிலையத்தில் நேற்று தொடங்கி வரும் 4-2-2024 வரை நடைபெறுகிறது.
இந்த கண்காட்சியில், மகளிர் சுய உதவிக்குழுக்கள் உற்பத்தி செய்யும் அழகு சாதனங்கள், பொம்மைகள், பதப்படுத்தப்பட்ட உணவுகள், கைத்தறி சேலைகள், தானிய உணவுகள், ஊறுகாய்கள், வீட்டு உபயோகப் பொருட்கள், அணிகலன்கள் மற்றும் அனைத்து வகையான தினசரி பயன்பாட்டுக்குரிய பொருட்கள் இடம்பெறும்.
இந்த கண்காட்சியில் பயன்பெற விரும்பும் மகளிர் சுய உதவிக் குழு உறுப்பினர்கள் தங்களது உற்பத்தி பொருட்கள் பற்றிய விவரங்களை ராணிப்பேட்டை கலெக்டர் அலுவலக வளாகத்தில் உள்ள மாவட்ட மகளிர் திட்டம் அலுவலகத்தில் பதிவு செய்து கொள்ளலாம்.
பொது மக்கள் இந்தக் கண்காட்சியைப் பார்வையிட்டு தங்களுக்குத் தேவையான பொருட்களை சரியான விலையில் பெற்று பயன் பெறலாம் என்று ராணிப்பேட்டை கலெக்டர் வளர் மதி தெரிவித்துள்ளார்.
கண்காட்சியை பார்வையிட விரும்பும் மக்கள் கலவை பேரூராட்சி பஸ் நிலையத்திற்கு சென்று கண்காட்சியை பார்வையிடலாம். கண்காட்சி தினமும் காலை 10 மணி முதல் இரவு 8 மணி வரை திறந்திருக்கும்.
