இதுகுறித்து ஆய்வின்போது அதிகாரிகளிடம் கேட்டறிந்த மாவட்ட ஆட்சியர் வளர்மதி, "மருத்துவமனைக்கு வந்த நோயாளிகளுக்கு சரியான சிகிச்சை அளிக்க மருத்துவர் இல்லாதது மிகவும் வருத்தமளிக்கிறது. இதுபோன்ற சம்பவங்கள் மீண்டும் நிகழாமல் தடுக்க நடவடிக்கை எடுக்க வேண்டும்" என்று கூறினார்.
மேலும், "இந்த மருத்துவமனையில் பணியாற்றும் மருத்துவர் மீது நடவடிக்கை எடுக்க வேண்டும்" என்று மருத்துவத்துறை அதிகாரிகளுக்கு உத்தரவிட்டார்.
இந்த ஆய்வின்போது, மாவட்ட சுகாதாரப் பணிகள் துணை இயக்குநர் வினோத், அரக்கோணம் வட்டார மருத்துவ அலுவலர் கதிரவன், குருவராஜபேட்டை ஆரம்ப சுகாதார நிலைய மருத்துவர் சேகர் ஆகியோர் உடன் இருந்தனர்.
