ராணிப்பேட்டை மாவட்டத்தில் புதிய தொழில்முனைவோர்களுக்கு அரசின் மானியத்துடன் கூடிய கடனுதவி திட்டம்

டிசம்பர் 26, 2023 Raj Kumar G

ராணிப்பேட்டை மாவட்டம் முழுவதும் வரும் ஜனவரி 5ஆம் தேதி வரை நடைபெறும் மக்களுடன் முதல்வர் திட்ட முகாமில் மாவட்டத்தைச் சேர்ந்த புதிய தொழில்முனைவோர் கலந்து கொண்டு அரசின் மானியத்துடன் கூடிய கடனுதவி திட்டத்தில் விண்ணப்பித்து பயனடையலாம். இந்த திட்டத்தில், புதிய தொழில் தொடங்கும் அல்லது ஏற்கனவே தொடங்கிய தொழிலை மேம்படுத்த விரும்பும் தொழில்முனைவோருக்கு, ரூ.1 லட்சம் முதல் ரூ.5 லட்சம் வரையிலான கடன் மானியத்துடன் வழங்கப்படுகிறது.

இந்த திட்டத்தில் விண்ணப்பிக்க விரும்பும் தொழில்முனைவோர், தங்கள் பள்ளி அல்லது கல்லூரி சான்றிதழ், ஆதார் அட்டை, வங்கி கணக்கு புத்தகம், குடும்ப அட்டை போன்ற ஆவணங்களை சமர்ப்பிக்க வேண்டும். விண்ணப்பதாரர்கள் குறைந்தபட்சம் 18 வயது நிரம்பியவர்களாக இருக்க வேண்டும்.