தமிழக அரசு, மத்திய அரசின் நிதி பங்களிப்புடன், அரசு பள்ளிகளில் 9 மற்றும் 10-ம் வகுப்பு பயிலும் பிற்படுத்தப்பட்ட, மிக பிற்படுத்தப்பட்ட மற்றும் சீர்மரபினரின் மாணவிகளுக்கு கல்வி உதவித்தொகை வழங்க திட்டமிட்டுள்ளது.
இத்திட்டத்தில் பயன்பெற, மாணவிகளின் பெற்றோரின் ஆண்டு வருமானம் ரூ. 22 லட்சத்திற்குள் இருக்க வேண்டும். தகுதியுள்ள மாணவிகளுக்கு ஆண்டுக்கு ரூ. 4 ஆயிரம் கல்வி உதவித்தொகையாக வழங்கப்படும்.
இத்திட்டத்தில் பயன்பெற, மாணவிகள் பின்வரும் ஆவணங்களை சமர்ப்பிக்க வேண்டும்:
- ஆதார் அட்டை
- வருமானச் சான்று
- சாதிச் சான்று
- வங்கிக் கணக்கு மற்றும் IFSC குறியீடு
மாணவிகள், தேசியமயமாக்கப்பட்ட வங்கிகளில் அல்லது அஞ்சல் வங்கிகளில் தங்கள் பெயரில் வங்கிக் கணக்கை தொடங்கி, அதனை ஆதார் எண்ணுடன் இணைக்க வேண்டும். பின்னர், மேற்கண்ட ஆவணங்களை வருமானச் சான்று மற்றும் சாதிச் சான்று நகல்களுடன் சம்பந்தப்பட்ட பள்ளி தலைமை ஆசிரியர்களிடம் சமர்ப்பிக்க வேண்டும்.
பள்ளி தலைமை ஆசிரியர்கள் மாணவிகளின் விவரங்களை EMIS (Educational Management Information System) தளத்தில் பதிவேற்ற வேண்டும்.
இத்திட்டம், பிற்படுத்தப்பட்ட, மிக பிற்படுத்தப்பட்ட மற்றும் சீர்மரபினரின் மாணவிகளுக்கு கல்வி தொடர்வதற்கு உதவும் என்று எதிர்பார்க்கப்படுகிறது.
