ராணிப்பேட்டை மாவட்டம் நெமிலி தாலுகா அத்திப்பட்டு கிராமத்தை சேர்ந்தவர் இளவரசன் (28). இவர் கடந்த 7ம் தேதி காணாமல் போனார். இந்நிலையில், அதே ஊரை சேர்ந்த லோகேஷ் மற்றும் மூன்று நபர்கள் இளவரசனை அடித்துக் கொலை செய்ததாக காவேரிப்பாக்கம் போலீஸ் ஸ்டேஷனில் இன்று சரணடைந்தனர்.
4 பேர் மீதும் போலீசார் வழக்குப்பதிவு செய்து விசாரித்து வருகின்றனர்.
இதுகுறித்து போலீசார் கூறுகையில், "இளவரசன் மற்றும் லோகேஷ் ஆகியோரிடையே முன்விரோதம் இருந்தது. கடந்த 7ம் தேதி இரவு, இருவரும் சந்தித்து வாக்குவாதத்தில் ஈடுபட்டனர். அப்போது, லோகேஷ் மற்றும் அவரது நண்பர்கள் இளவரசனை அடித்துக் கொன்றனர். பின்னர், அவரது உடலை அத்திப்பட்டு கிராமத்தில் உள்ள ஒரு குளத்தில் வீசிவிட்டனர்.
இளவரசன் காணாமல் போனதாக அவரது உறவினர்கள் காவேரிப்பாக்கம் போலீசில் புகார் அளித்தனர். போலீசார் வழக்குப்பதிவு செய்து விசாரணை நடத்தி வந்தனர். இந்நிலையில், லோகேஷ் மற்றும் அவரது நண்பர்கள் இன்று சரணடைந்தனர்.
4 பேர் மீதும் கொலை வழக்குப்பதிவு செய்துள்ளோம். அவர்களிடம் விசாரணை நடத்தி வருகிறோம். கொலைக்கான காரணம் விரைவில் தெரியவரும்" என்றனர்.
இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.
