அந்த மனுவில், வாணாபாடி ஊராட்சியில் சுமார் 15 ஆயிரம் மக்கள் வசித்து வருகின்றனர். கடந்த 2000-ம் ஆண்டு வாணாபாடி, முகுந்தராயபுரம், செட்டிதாங்கல், நவ்லாக், மாந்தாங்கல் ஆகிய பகுதிக்கு கூட்டு குடிநீர் திட்டம் கொண்டு வரப்பட்டது.
தற்போது, ஊராட்சியின் அருகே பல்வேறு தொழிற்சாலைகள் உள்ளதால் போர் போட்டால் தண்ணீர் நிறம் மாறி வருகிறது. இதனால் குடிநீர் பயன்படுத்த முடியாமல் பாதிப்புகள் ஏற்படுகிறது.
மேலும், குடிநீர் சப்ளியும் போதுமானதாக இல்லை. எனவே, நவ்லாக் பகுதி கிணற்றிலிருந்து வாணாபாடி மற்றும் அதை அண்டிய பகுதிகளுக்கு குடிநீர் கிடைக்க ஏற்பாடு செய்ய வேண்டும் என கோரிக்கை விடுத்துள்ளனர்.
கலெக்டர் வளர்மதி இந்த கோரிக்கையை பரிசீலித்து, விரைவில் தீர்வு காண நடவடிக்கை எடுக்கப்படும் என உறுதியளித்துள்ளார்.
இந்த கோரிக்கை நிறைவேற்றப்பட்டால், வாணாபாடி ஊராட்சியில் குடிநீர் பிரச்சனைக்கு தீர்வு கிடைக்கும்.
