ராணிப்பேட்டை மாவட்டத்தில் நேற்று நடந்த இரண்டு ரயில் விபத்துகளில் ஒரு மாணவர் மற்றும் ஒரு பெண் உயிரிழந்தனர்.
அரக்கோணம் அருகே உள்ள மேசவாடி பகுதியை சேர்ந்த கிருஷ்ணா (17) என்பவர், சென்னை அம்பத்தூரில் உள்ள ஒரு தனியார் கல்லூரியில் படித்து வந்தார். நேற்று காலை அரக்கோணத்தில் இருந்து சென்னை நோக்கி சென்ற மின்சார ரயிலில் பயணம் செய்தார். ரெயில் கூட்டமாக இருந்ததால், கிருஷ்ணா படிக்கட்டில் தொங்கியபடி பயணம் செய்து கொண்டிருந்தார். அப்போது, இந்து கல்லூரி - ஆவடி ரெயில் நிலையங்களுக்கு இடையே தண்டவாளம் அருகில் உள்ள மின் கம்பத்தில் கிருஷ்ணாவின் தலை மோதியது. இதில் நிலைதடுமாறி ஓடும் ரெயிலில் இருந்து கீழே விழுந்து உயிரிழந்தார்.
அதேபோல், ஆவடி அடுத்த பட்டாபிராம் பகுதியை சேர்ந்த லலிதா (65) என்பவர், அம்பத்தூரில் உள்ள ஒரு தனியார் கம்பெனியில் வேலை செய்து வந்தார். நேற்று காலை வழக்கம் போல் வேலைக்கு செல்வதற்காக பட்டாபிராம் ரெயில் நிலையம் வந்தார். அப்போது தண்டவாளத்தை கடந்து செல்ல முயன்றபோது, சென்னை நோக்கி வந்த எக்ஸ்பிரஸ் ரெயிலில் அடிபட்டு பரிதாபமாக உயிரிழந்தார்.
இந்த இரண்டு சம்பவங்களும் ரெயில்வே பாதுகாப்பு விதிமுறைகளை மீறுவதால் ஏற்பட்டதாக கூறப்படுகிறது. ரெயிலில் தொங்கியபடி பயணம் செய்வது மிகவும் ஆபத்தானது. தண்டவாளத்தை கடக்கும்போது, ரயில் வருவது அறிந்து செல்ல வேண்டும். ரெயில்வே பாதுகாப்பு விதிமுறைகளை பின்பற்ற வேண்டும் என்று ரெயில்வே அதிகாரிகள் அறிவுறுத்துகின்றனர்.
