ராணிப்பேட்டை மாவட்டம் காவேரிப்பாக்கத்தில் 22 வயது இளம்பெண் ராசாத்தி கிணற்றில் பிணமாக மீட்கப்பட்ட சம்பவம் பெரும் அதிர்ச்சியை ஏற்படுத்தியுள்ளது.
ராசாத்தி காவேரிப்பாக்கம் மாரியம்மன் கோவில் தெருவை சேர்ந்தவர். ஒரகடம் பகுதியில் உள்ள தனியார் கம்பெனியில் வேலை செய்து வந்தார். கடந்த 2 நாட்களுக்கு முன்பு வேலைக்கு சென்ற அவர் வீடு திரும்பவில்லை. இதனால் அவரது பெற்றோர் உறவினர் மற்றும் நண்பர்கள் வீடுகளில் தேடினர்.
நேற்று காவேரிப்பாக்கத்தில் உள்ள கட்டளை பாட்டை தெருவில் தனியாருக்கு சொந்தமான கிணற்றில் ராசாத்தி பிணமாக மிதப்பதை அங்கிருந்தவர்கள் பார்த்தனர். அவர்கள் காவேரிப்பாக்கம் போலீசாருக்கு தகவல் கொடுத்தனர்.
போலீசார் விரைந்து வந்து பிணத்தை மீட்டு வாலாஜா அரசு மருத்துவமனைக்கு அனுப்பி வைத்தனர். பிரேத பரிசோதனை அறிக்கையின் அடிப்படையில் ராசாத்தி தற்கொலை செய்து கொண்டாரா? அல்லது வேறு ஏதாவது காரணமா? என போலீசார் விசாரணை நடத்தி வருகின்றனர்.
இந்த சம்பவம் குறித்து காவேரிப்பாக்கம் போலீஸ் துணை சூப்பிரண்டு ராஜேந்திரன் கூறுகையில், "ராசாத்தி தற்கொலை செய்து கொண்டதற்கான அறிகுறிகள் உள்ளன. அதற்கான ஆதாரங்களை சேகரித்து வருகிறோம்" என்றார்.
இந்த சம்பவம் காவேரிப்பாக்கம் பகுதியில் பரபரப்பை ஏற்படுத்தியுள்ளது.
