☏ 1956ஆம் ஆண்டு செப்டம்பர் 25ஆம் தேதி அட்லாண்டிக் பெருங்கடலைக் கடந்த முதலாவது தொலைபேசி கம்பித்திட்டம் டிஏடி - 1 நிறுவப்பட்டது.

🎌 1920ஆம் ஆண்டு செப்டம்பர் 25ஆம் தேதி இந்திய ராக்கெட் ஆராய்ச்சியாளர் சதீஷ் தவான் பிறந்தார். 

👉 1513ஆம் ஆண்டு செப்டம்பர் 25ஆம் தேதி பாஸ்கோ நூனியெத் தே பால்போவா, பசிபிக் பெருங்கடலை முதன் முதலில் கண்ட ஐரோப்பியர் ஆவர்.



பிறந்த நாள் :-


உடுமலை நாராயணகவி

✍ பழம்பெரும் திரைப்பட பாடல் ஆசிரியரும், தனது எழுச்சிமிக்க பாடல்களால் மக்களிடம் தேசிய உணர்வை ஊட்டியவருமான உடுமலை நாராயணகவி 1899ஆம் ஆண்டு செப்டம்பர் 25ஆம் தேதி கோயம்புத்தூர் மாவட்டம் உடுமலைப்பேட்டையை அடுத்த பூவிளைவாடி என்ற கிராமத்தில் பிறந்தார்.

✍ இவர் புரவியாட்டம், சிக்குமேளம், தப்பாட்டம், உடுக்கடிப்பாட்டு, ஒயில் கும்மி போன்ற கிராமியக் கலைகளை ஆர்வத்துடன் கற்றார். விடுதலைப் போராட்டம் தீவிரமாக இருந்த காலக்கட்டம் அது. தேசிய உணர்வுமிக்க பாடல்களை எழுதி, மேடைதோறும் முழங்கச் செய்தார்.

✍ இவர் சமுதாய சீர்திருத்தக் கருத்துகள் நிறைந்த பாடல்களை எழுதினார். இவர் முன்னணி பாடல் ஆசிரியராகத் திகழ்ந்தவர். கவிராயர் என்று அன்போடும் மரியாதையோடும் அழைக்கப்பட்டார்.

✍ சங்கீத நாடக சங்கம் 1967-ல் இவரை சிறந்த பாடல் ஆசிரியராகத் தேர்ந்தெடுத்தது. இவர் திரையுலகில் தனக்கென்று தனி இடத்தைப் பெற்றவர். பல்லாயிரக்கணக்கான பாடல்களை எழுதியுள்ளார்.

✍ கவிஞர், நாடக ஆசிரியர், நடிகர், சீர்திருத்தவாதி எனப் பன்முகப் பரிமாணம் கொண்ட உடுமலை நாராயணகவி 82-வது வயதில் (1981) மறைந்தார். இவரது நினைவாக 2008-ல் அஞ்சல்தலை வெளியிடப்பட்டது. இவர் பிறந்த ஊரில் மணிமண்டபம் அமைக்கப்பட்டுள்ளது.


ஓலி கிறிஸ்டியன்சென் ரோமர்

🌀 டென்மார்க் நாட்டு வானியலாளர், ஓலி கிறிஸ்டியன்சென் ரோமர் 1644ஆம் ஆண்டு செப்டம்பர் 25ஆம் தேதி டென்மார்க்கில் உள்ள ஆர்ஹஸ் என்ற இடத்தில் பிறந்தார்.

🌀 இவர் 1676இல் ஒளியின் வேகத்தை அளவியற் முறைகளால் முதலில் கண்டறிந்தவர். 1708இல் இவர் பாரன்ஃகைட் என்ற வெப்பளவுமானியை உருவாக்கினார்.

🌀 இவர் 1705இல் கோபனாவன் காவல்துறையின் இரண்டாவது தலைவராக நியமிக்கப்பட்டார். ஓலி கிறிஸ்டியன்சென் ரோமர் 65-வது வயதில் 1710இல் மறைந்தார்.



இன்றைய நிகழ்வுகள்


275 – உரோமில் பேரரசர் அவுரேலியன் படுகொலை செய்யப்பட்டதை அடுத்து, டசீட்டசு உரோமைப் பேரரசராக நியமிக்கப்பட்டார்.

762 – அப்பாசியக் கலீபகத்திற்கு எதிராக அலீதுகள் கிளர்ச்சியில் இறங்கினர்.

1237 – இங்கிலாந்தும் இசுக்காட்லாந்தும் தமது பொது எல்லைகளை வரையறுக்கும் உடன்பாட்டை ஏற்படுத்திக் கொண்டன.

1396 – உதுமானியப் பேரரசர் முதலாம் பயெசிது கிறித்தவ இராணுவத்தை நிக்கோபோலிசு நகரில் தோற்கடித்தார்.

1513 – எசுப்பானிய நாடுகாண் பயணி பாஸ்கோ நூனியெத் தே பால்போவா பெருங்கடல் ஒன்றை அடைந்தார். இது பின்னர் பசிபிக் பெருங்கடல் என்ற பெயரைப் பெற்றது.

1690 – ஐக்கிய அமெரிக்காவின் முதலாவது செய்திப்பத்திரிகை (Publick Occurrences Both Foreign and Domestick) முதலும் கடைசித் தடவையாகவும் வெளிவந்தது. இது அரசினால் தடை செய்யப்பட்டது.

1789 – ஐக்கிய அமெரிக்க சட்டமன்றம் அமெரிக்க அரசியலமைப்பிற்கு உரிமைகளுக்கான 10 திருத்தங்கள் உட்பட 12 திருத்தங்களைக் கொண்டு வந்தது.

1862 – செப்பு நாணயம் இலங்கையில் அறிமுகப்படுத்தப்பட்டது.[1]

1868 – இளவரசர் அலெக்சி அலெக்சாந்திரொவிச்சை ஏற்றிச் சென்ற உருசியப் பேரரசின் அலெக்சாந்தர் நேவ்ஸ்கி கப்பல் யுட்லாண்டு அருகே மூழ்கியது.

1906 – கரையிலிருந்து படகை வழி நடத்தும் முறை எசுப்பானியாவில் இயக்கிக் காட்டப்பட்டது. தொலைக் கட்டுப்படுத்தி பயன்படுத்தப்பட்டது இதுவே முதல் முறையாகும்.

1926 – அடிமை வணிகத்தைத் தடுக்கும் பன்னாட்டு ஒப்பந்தம் உலக நாடுகள் அணியின் ஆதரவில் கையெழுத்திடப்பட்டது.

1942 – இரண்டாம் உலகப் போர்: பெரும் இனவழிப்பில் இருந்து தப்பிய யூதர்களை அகதிகளாக ஏற்க சுவிட்சர்லாந்து மறுத்தது.

1956 – அத்திலாந்திக் பெருங்கடலைக் கடந்த முதலாவது தொலைபேசிக் கம்பித்திட்டம் TAT-1 நிறுவப்பட்டது.

1957 – ஐக்கிய அமெரிக்காவில் ஆர்கன்சஸ் மாநிலத்தில் உள்ள பாடசாலை ஒன்றில் 9 கருப்பின மாணவர்கள் 300 இராணுவத்தினர்களின் பாதுகாப்புடன் பாடசாலை சென்றனர்.

1959 – இலங்கைப் பிரதமர் எஸ். டபிள்யூ. ஆர். டி. பண்டாரநாயக்கா சோமராம தேரர் என்ற புத்த பிக்கு ஒருவரினால் சுடப்பட்டுப் படுகாயமடைந்து அடுத்த நாள் இறந்தார்.

1962 – வடக்கு ஏமன் உள்நாட்டுப் போர் ஆரம்பமானது. ஏமன் மன்னர் இமாம் அல்-பத்ர் பதவியில் இருந்து அகற்றப்பட்டார். அப்துல்லா அல்-சலால் ஏமனை ஒரு குடியரசாக்கி, தன்னை அதன் அரசுத்தலைவராக அறிவித்தார்.

1962 – அல்சீரிய மக்கள் சனநாயகக் குடியரசு அமைக்கப்பட்டது.

1964 – மொசாம்பிக்கில் போர்த்துகலுக்கு எதிரான விடுதலைப் போர் ஆரம்பமானது.

1978 – கலிபோர்னியாவில் சான் டியாகோ நகரில் இரண்டு விமானங்கள் நடுவானில் மோதிக்கொண்டதில் 144 பேர் உயிரிழந்தனர்.

1981 – பெலீசு ஐக்கிய நாடுகள் அவையில் இணைந்தது.

1983 – வட அயர்லாந்தில் 38 ஐரியக் குடியரசு இராணுவக் கைதிகள் சிறையை உடைத்து தப்பினர்.

1992 – செவ்வாய்க் கோளை நோக்கிய "செவ்வாய் நோக்கி" என்ற விண்கலத்தை நாசா ஏவியது. 11 மாதங்களின் பின்னர் இவ்விண்கலம் செயலிழந்தது.

1992 – யாழ்ப்பாணம், பூநகரியில் 62 இராணுவக் காவலரண்கள் விடுதலைப் புலிகளினால் தாக்கி அழிக்கப்பட்டன.

2002 – குஜராத் மாநிலத்தில் இந்துக் கோயில் ஒன்றில் இடம்பெற்ற வன்முறையில் 32 பேர் உயிரிழந்தனர்.

2003 – சப்பானில் ஒக்காய்டோ என்ற இடத்தில் 8.3 அளவு நிலநடுக்கம் ஏற்பட்டதில், 800 இற்கும் அதிகமானோர் காயமடைந்தனர்..

2015 – இலங்கையின் மலையகத்தில் இறம்பொடையில் ஏற்பட்ட மண்சரிவில் மூன்று குடும்பங்களைச் சேர்ந்த 7 பேர் உயிரிழந்தனர்.

2017 – இந்தோனேசியாவில் பாலித் தீவில் ஆகூங்க் மலையில் எரிமலை வெடித்தது.

இன்றைய பிறப்புகள்


1644 – ஓலி ரோமர், தென்மார்க்கு வானியலாளர் (இ. 1710)

1846 – விளாதிமிர் கோப்பென், உருசிய-செருமானிய அறிவியலாளர், காலநிலை ஆய்வாளர் (இ. 1940)

1848 – செர்கேய் பாவ்லோவிச் கிளாசனாப், சோவியத் ஒன்றிய வானியலாளர் (இ. 1937)

1857 – மூலம் திருநாள், திருவிதாங்கூர் மன்னர் (இ. 1924)

1881 – லூ சுன், சீன எழுத்தாளர் (இ. 1936)

1897 – வில்லியம் பால்க்னர், நோபல் பரிசு பெற்ற அமெரிக்க எழுத்தாளர் (இ. 1962)

1899 – உடுமலை நாராயணகவி, தமிழகக் கவிஞர், பாடலாசிரியர் (இ. 1981)

1914 – தேவிலால், இந்திய அரசியல்வாதி (இ. 2001)

1916 – தீனதயாள் உபாத்தியாயா, இந்தியப் பொருளியலாளர், சமூகவியலாளர் (இ. 1968)

1920 – சதீஷ் தவான், இந்தியப் பொறியியலாளர் (இ. 2002)

1922 – நாத் பாய், இந்திய விடுதலைப் போராட்ட செயற்பாட்டாளர், அரசியல்வாதி (இ. 1971)

1924 – அ. பூ. பர்தன், இந்திய இடதுசாரி அரசியல்வாதி (இ. 2016)

1939 – பெரோசு கான், இந்திய நடிகர், இயக்குநர் (இ. 2009)

1946 – பிசன் சிங் பேடி, இந்தியத் துடுப்பாளர்

1952 – பெல் ஹூக்சு, அமெரிக்க எழுத்தாளர்

1952 – கிறிஸ்டோபர் ரீவ், அமெரிக்க நடிகர், தயாரிப்பாளர் (இ. 2004)

1968 – வில் சிமித், அமெரிக்க நடிகர், பாடகர்

1977 – திவ்யா தத்தா, இந்தி, பஞ்சாபி நடிகை

1977 – ஏ. ஆர். முருகதாஸ், தமிழகத் திரைப்பட இயக்குநர், திரைக்கதை ஆசிரியர், தயாரிப்பாளர்

இன்றைய இறப்புகள்


1777 – யோகான் என்றிச் இலாம்பெர்ட், சுவிட்சர்லாந்து-செருமானியக் கணிதவியலாளர், இயற்பியலாளர், வானியலாளர் (பி. 1728)

1958 – ஜான் பி வாட்சன், அமெரிக்க உளவியலாளர் (பி. 1878)

2003 – எட்வர்டு செயித், பாலத்தீன-அமெரிக்க மெய்யியலாளர் (பி. 1935)

2007 – ஜனா கிருஷ்ணமூர்த்தி, தமிழக அரசியல்வாதி (பி. 1928)

2011 – வாங்கரி மாத்தாய், அமைதிக்கான நோபல் பரிசு பெற்ற கென்ய சூழலியலாளர் (பி. 1940)

2017 – பீலி சிவம், தமிழகத் திரைப்பட நடிகர் (பி. 1938)

2018 – பி. வி. எஸ். வெங்கடேசன், தமிழக அரசியல்வாதி (பி. 1947)

2020 – எஸ். பி. பாலசுப்ரமணியம், தென்னிந்தியத் திரைப்படப் பின்னணிப் பாடகர் (பி. 1946)

2021 – வர்ண ராமேஸ்வரன், ஈழத்துக் கருநாடக இசைப் பாடகர், மிருதங்கக் கலைஞர் (பி. 1968)

இன்றைய சிறப்பு நாள்


புரட்சி நாள் (மொசாம்பிக்)

தேசிய இளைஞர் நாள் (நவூரு)