👉 1946ஆம் ஆண்டு டிசம்பர் 16ஆம் தேதி தாய்லாந்து ஐ.நாவில் இணைந்தது.
முக்கிய தினம் :-
விஜய் திவாஸ் தினம்
🌸 பாகிஸ்தானுடன் கடந்த 1971ஆம் ஆண்டு நிகழ்ந்த போரில் இந்தியா வெற்றி பெற்றது. டிசம்பர் 16ஆம் தேதி பாகிஸ்தானைச் சேர்ந்த 90 ஆயிரம் வீரர்கள் எவ்வித நிபந்தனையும் இன்றி இந்தியப் படையிடம் சரணடைந்தனர். இந்த வெற்றி ஆண்டுதோறும் டிசம்பர் 16ஆம் தேதியன்று 'விஜய் திவாஸ்' என்ற பெயரில் கொண்டாடப்பட்டு வருகிறது. இப்போரில் உயிரிழந்த வீரர்களுக்கு அஞ்சலி செலுத்தும் வகையில் சென்னையில் உள்ள போர் நினைவுச் சின்னத்தில் முப்படை அதிகாரிகள் மரியாதை செலுத்துவார்கள்.
பிறந்த நாள் :-
அடையார் கே.லட்சுமணன்
🌹 இந்திய பரதநாட்டியக் கலைஞரும், நடன ஆசிரியருமான அடையார் கே.லட்சுமணன் 1933ஆம் ஆண்டு டிசம்பர் 16ஆம் தேதி ஆந்திர பிரதேசம் சித்தூர் மாவட்டத்திலுள்ள குப்பம் என்னும் ஊரில் பிறந்தார்.
🌹 பரதநாட்டியம், மிருதங்கம், நட்டுவாங்கம் ஆகியவற்றில் சிறப்புக் கவனம் செலுத்தி பிரபலமான ஆசிரியர்களிடம் பயிற்சி பெற்றார். இவர் பெரிய பெரிய வித்வான்களோடு சேர்ந்து பணியாற்றியுள்ளார்.
🌹 1954ஆம் ஆண்டு இவர் பரதநாட்டியம், கர்நாடக இசை, நட்டுவாங்கம் ஆகிய துறைகளில் சிறப்புப் பட்டம் பெற்றார். மேலும் இவர் 1969ஆம் ஆண்டு பரதசூடாமணி அகாதமி என்ற நாட்டியப் பள்ளியை நிறுவி பல கலைஞர்களை உருவாக்கினார்.
🌹 இவர் பத்மஸ்ரீ விருது(1989), சங்கீத நாடக அகாடமி விருது(1991), கலைமாமணி விருது போன்ற பல விருதுகளைப் பெற்றுள்ளார்.
🌹 திருப்பாவை, அழகர் குறவஞ்சி, சந்தாலிக்க, சங்கத் தமிழ் மாலை ஆகிய நாட்டிய நாடகங்களைத் தயாரிக்க உதவிய அடையாறு கே.லட்சுமணன் தன்னுடைய 80வது வயதில் மறைந்தார்.
இன்றைய தின நிகழ்வுகள்
👉1431 – நூறாண்டுப் போர்: இங்கிலாந்தின் ஆறாம் என்றி மன்னர் பிரான்சின் மன்னராக பாரிசு, நோட்ரே டேமில் முடிசூடினார்.
👉1497 – வாஸ்கோ ட காமா முன்னர் பார்த்தலோமியோ டயஸ் சென்றடைய முடியாத தென்னாபிரிக்காவின் அட்லாண்டிக் கரையோரத்தில் உள்ள நன்னம்பிக்கை முனையை சுற்றி வந்தார்.
👉1575 – சிலியின் வால்டீவியா நகரில் 8.5 அளவு நிலநடுக்கம் ஏற்பட்டது.
👉1598 – கொரிய, சப்பானியக் கடற்படைகளுக்கிடையே இடம்பெற்ற நோர்யாங் சமரில் கொரியா வெற்றி பெற்றது.
👉1653 – சேர் ஆலிவர் கிராம்வெல் பொதுநலவாய இங்கிலாந்து, இசுக்காட்லாந்து, அயர்லாந்து நாடுகளின் தலைவரானார்.
👉1707 – சப்பானின் பூஜி மலை கடைசித் தடவையாக வெடித்தது.
👉1761 – ஏழாண்டுப் போர்: நான்கு மாதங்கள் முற்றுகையின் பின்னர் உருசியா புருசியாவின் கொலோபிர்செக் கோட்டையைக் கைப்பற்றியது.
👉1773 – அமெரிக்கப் புரட்சி: பாஸ்டன் தேநீர் கொண்டாட்டம் – அமெரிக்கர்கள் பிரித்தானிய கிழக்கிந்தியக் கம்பனியின் கப்பல்களில் ஏறி தேநீர் பெட்டிகளை பாஸ்டன் துறைமுகத்தில் எறிந்தனர்.
👉1811 – அமெரிக்காவின் மிசூரியில் இரண்டு நிலநடுக்கங்கள் ஏற்பட்டது.
👉1835 – நியூயோர்க் நகரத்தில் இடம்பெற்ற பெருந்தீயில் 530 கட்டிடங்கள் சேதமடைந்தன.
👉1857 – இத்தாலியின் நேப்பில்சில் இடம்பெற்ற 6.9 நிலநடுக்கத்தில் 10,000 பேர் வரை உயிரிழந்தனர்.
👉1880 – முதல் பூவர் போர்: தென்னாப்பிரிக்காவின் பூவர்களுக்கும் பிரித்தானியப் பேரரசுக்கும் இடையில் போர் மூண்டது.
👉1918 – இலித்துவேனிய சோவியத் சோசலிசக் குடியரசு அமைக்கப்பட்டது. இது 1919 இல் கலைந்தது.
👉1920 – சீனாவில் கான்சு நகரில் 8.6 ரிக்டர் நிலநடுக்கம் ஏற்பட்டதில் 200,000 பேர் கொல்லப்பட்டனர்.
👉1922 – போலந்து அரசுத்தலைவர் கேப்ரியல் நருடோவிச் வார்சாவாவில் சுட்டுக் கொல்லப்பட்டார்.
👉1925 – இலங்கை வானொலியின் ஒலிபரப்பு சேவை கொழும்பில் ஆரம்பமானது.
👉1941 – இரண்டாம் உலகப் போர்: சப்பானியப் படையினர் மலேசியாவின் சரவாக் மாநிலத்தின் மீரி நகரைக் கைப்பற்றினர்.
👉1942 – பெரும் இன அழிப்பு: சுத்ஸ்டாப்பெல் தலைவர் ஐன்ரிக் இம்லர் ரோமா மக்களை அவுசுவிட்சு வதை முகாமுக்கு அனுப்ப உத்தரவிட்டார்.
👉1944 – இரண்டாம் உலகப் போர்: பல்ஜ் சண்டை ஆரம்பமானது. ஆர்டென் காட்டில் மூன்று செருமனிய இராணுவப் படைப்பிரிவுகள் திடீர்த் தாக்குதலை நடத்தின.
👉1947 – வில்லியம் ஷாக்லி, ஜான் பார்டீன், வால்டர் பிராட்டன் ஆகியோர் இணைந்து உலகின் முதலாவது செயல் முறை திரிதடையத்தை உருவாக்கினர்.
👉1950 – கொரியப் போர்: சீனப் படைகள் வட கொரியாவின் கம்யூனிச அரசுக்கு ஆதரவாக போரிட்டதை அடுத்து ஐக்கிய அமெரிக்காவின் அரசுத்தலைவர் டுரூமன் அவசரகாலச் சட்டத்தைப் பிறப்பித்தார்.
👉1960 – அமெரிக்காவின் யுனைடெட் ஏர்லைன்ஸ் விமானம் ஒன்று திரான்சு-வர்ல்ட் ஏர்லைன்சு விமானம் ஒன்றுடன் நியூ யோர்க், இசுட்டேட்டன் தீவின் மேலாக ஒன்றுடன் ஒன்று இரண்டு விமானங்களிலும் இருந்த அனைத்து 128 பேரும், தரையில் 6 பேரும் உயிரிழந்தனர்.
👉1971 – வங்காளதேச விடுதலைப் போர், 1971 இந்திய-பாக்கிஸ்தான் போர்: பாக்கித்தானிய இராணுவம் சரணடைந்ததை அடுத்து போர் முடிவுக்கு வந்தது. இந்நாள் வங்காள தேசத்திலும், இந்தியாவிலும் வெற்றி நாளாகக் கொண்டாடப்படுகிறது.
👉1971 – பகுரைன் பிரித்தானியாவிடம் இருந்து விடுதலை பெற்றது.
👉1991 – கசக்ஸ்தான் சோவியத் ஒன்றியத்திடம் இருந்து விடுதலை பெற்றது.
👉2000 – அமெரிக்காவின் அலபாமா மாநிலத்தை சூறாவளி தாக்கியதில் 11 பேர் உயிரிழந்தனர்,
👉2013 – பிலிப்பீன்சு தலைநகர் மணிலாவில் பேருந்து ஒன்று விபத்துக்குள்ளாகியதில் 18 பேர் உயிரிழந்தனர்.
👉2014 – பாக்கித்தானின் தெகரிக்கு-இ-தாலிபான் போராளிகள் பெசாவர் நகரில் இராணுவப் பள்ளுக்கூடம் ஒன்றில் தாக்குதல் நடத்தியதில் 145 பேர் கொல்லப்பட்டனர். இவர்களில் பெரும்பாலானோர் பாடசாலைச் சிறுவர்கள் ஆவர்.
இன்றைய தின பிறப்புகள்.
👉1485 – அராகனின் கத்தரீன், எசுப்பானிய இளவரசி, இங்கிலாந்து அரசி (இ. 1536)
👉1770 – லுடுவிக் ஃவான் பேத்தோவன், செருமானிய மேற்கத்தைய இசையமைப்பாளர் (இ. 1827)
👉1775 – ஜேன் ஆஸ்டின், ஆங்கிலேய எழுத்தாளர் (இ. 1817)
👉1857 – எட்வார்டு எமர்சன் பர்னார்டு, அமெரிக்க வானியலாளர் (இ. 1923)
👉1866 – வசீலி கண்டீன்ஸ்கி, உருசிய-பிரான்சிய ஓவியர் (இ. 1944)
👉1879 – தயாராம் சகானி, இந்தியத் தொல்லியலாளர் (இ. 1939)
👉1900 – மயிலை சீனி. வேங்கடசாமி, தமிழறிஞர், எழுத்தாளர் (இ. 1980]])
👉1901 – மார்கரெட் மீட், அமெரிக்க மானிடவியலாளர் (இ. 1978)
👉1916 – பரமஹம்சதாசன், தமிழக-ஈழக் கவிஞர் (இ. 1965)
👉1917 – நபி பக்சு கான் பலோசு, பாக்கித்தானியக் கல்வியாளர், நூலாசிரியர் (இ. 2011)
👉1917 – ஆர்தர் சி. கிளார்க், ஆங்கிலேய-இலங்கை எழுத்தாளர் (இ. 2008)
👉1930 – லலிதா, தென்னிந்தியத் திரைப்பட நடிகை (இ. 1982)
👉1933 – அடையார் கே. லட்சுமணன், பரதநாட்டியக் கலைஞர், நடன ஆசிரியர் (இ. 2014)
👉1957 – எச். டி. குமாரசாமி, கருநாடகாவின் 18வது முதலமைச்சர்
👉1967 – மிராண்டா ஓட்டோ, ஆத்திரேலிய நடிகை
👉1969 – ஆடம் இரீசு, நோபல் பரிசு பெற்ற அமெரிக்க வானியலாளர், இயற்பியலாளர்
👉1969 – கிரேக் வைட், ஆங்கிலேயத் துடுப்பாளர், பயிற்சியாளர்
👉1983 – ஹர்ஷவர்தன் ராணே, தென்னிந்தியத் திரைப்பட நடிகர்
👉1984 – தியோ ஜேம்ஸ், ஆங்கிலேய நடிகர்
இன்றைய தின இறப்புகள்.
👉1515 – அபோன்சோ டி அல்புகெர்க்கே, போர்த்துகேய இந்தியாவின் 3வது ஆளுநர் (பி. 1453)1859 – வில்லெம் கிரிம், செருமனிய மொழியியலாளர் (பி. 1786)
👉1928 – பனகல் அரசர், தென்னிந்திய அரசியல்வாதி, சென்னை மாகாணத்தின் இரண்டாவது முதலமைச்சர் (பி. 1866)
👉1981 – ஜோசப் மர்பி, அயர்லாந்து-அமெரிக்க எழுத்தாளர், இறை அறிவியலாளர் (பி. 1898)
👉2003 – பி. மாதவன், தமிழ்த் திரைப்பட இயக்குநர், தயாரிப்பாளர் (பி. 1928)
👉2005 – இளையதம்பி தர்சினி, இலங்கை இராணுவத்தால் பாலியல் வன்முறைக்கு உட்படுத்தப்பட்டு, படுகொலை செய்யப்பட்ட இலங்கைத் தமிழ்ப் பெண் (பி. 1985)
இன்றைய தின சிறப்பு நாள்.
👉விடுதலை நாள் (பகுரைன், ஐக்கிய இராச்சியத்திடம் இருந்து 1971)
👉குடியரசு நாள் (கசக்கஸ்தான், சோவியத் ஒன்றியத்திடம் இருந்து, 1991)
👉வங்காளதேச வெற்றி நாள்
👉வெற்றி நாள் (இந்தியா)
