👉 1946ஆம் ஆண்டு ஜூலை 6ஆம் தேதி அமெரிக்காவின் 43வது அதிபர் ஜார்ஜ் வாக்கர் புஷ் (George Walker Bush) பிறந்தார்.
👉 2002ஆம் ஆண்டு ஜூலை 6ஆம் தேதி இந்திய தொழிலதிபர் திருபாய் அம்பானி மறைந்தார்.
👉 1986ஆம் ஆண்டு ஜூலை 6ஆம் தேதி முன்னாள் இந்தியத் துணைப் பிரதமர் ஜெகசீவன்ராம் மறைந்தார்.
👉 1854ஆம் ஆண்டு ஜூலை 6ஆம் தேதி ஓமின் விதியை உருவாக்கிய ஜார்ஜ் ஓம் மறைந்தார்.
முக்கிய தினம் :-
உலக ஜூனோசிஸ் தினம்
🐱 ஜூனோசிஸ் என்பது விலங்குகளுக்கு ஏற்படும் வியாதி. இது விலங்குகளிடமிருந்து மனிதர்களுக்குப் பரவுகிறது.
🐱 காட்டு விலங்குகள், வீட்டில் வளர்க்கும் பூனை, நாய், எலி மூலமும் மனிதர்களுக்குப் பரவுகின்றன. சில ஆட்கொல்லி நோய்களும் விலங்குகள் மூலம் பரவுகின்றன.
🐱 விலங்குகள் மூலம் பரவும் இந்த நோய் பற்றிய விழிப்புணர்வு ஏற்படுத்தவே ஜூலை 6ஆம் தேதி இத்தினம் கடைபிடிக்கப்படுகிறது.
பிறந்த நாள் :-
பரிதிமாற் கலைஞர்
✍ தமிழுக்கு தொண்டாற்றிய பரிதிமாற் கலைஞர் 1870ஆம் ஆண்டு ஜூலை 6ஆம் தேதி மதுரையில் திருப்பரங்குன்றம் அடுத்த விளாச்சேரியில் பிறந்தார். இவரது இயற்பெயர் வி.கோ.சூரியநாராயண சாஸ்திரி.
✍ இவர் தனித்தமிழ் இயக்கத்தில் முதன்மையான பங்கு வகித்தவர்களில் ஒருவர் ஆவார். இளம் வயது முதலே தமிழ் மொழியின் மீதும், இலக்கணத்தின் மீதும், இலக்கியத்தின் மீதும் மிகுந்த ஆர்வம் கொண்டிருந்தார்.
✍ தமிழ் அறிவும், ஆர்வமும் கொண்ட மாணவர்களுக்கு தொல்காப்பியம், நன்னூல், சைவ சமய சாஸ்திர நூல்களைக் கற்பித்தார். தமிழை செம்மொழி என முதன்முதலில் மெய்ப்பித்தவர் இவர்தான்.
✍ இவர் சூரியநாராயண சாஸ்திரியார் என்ற தனது வடமொழிப் பெயரை பரிதிமாற் கலைஞர் என தமிழில் மாற்றிக்கொண்டார். இவர் ஏராளமான நூல்களை எழுதியுள்ளார்.
✍ திராவிட சாஸ்திரி என சிறப்பிக்கப்பட்ட பரிதிமாற் கலைஞர் தனது 33வது (1903) வயதில் மறைந்தார்.
