👉 சுனாமி நினைவு தினம் :
2004ஆம் ஆண்டு டிசம்பர் 26ஆம் தேதி இந்து சமுத்திரத்தில் ஏற்பட்ட 9.3 ரிக்டர் அளவு நிலநடுக்கம், சுனாமி ஆழிப்பேரலையை ஏற்படுத்தி இலங்கை, இந்தியா, இந்தோனேஷியா, தாய்லாந்து, மலேசியா, மாலத்தீவுகள் ஆகிய நாடுகளில் பலத்த சேதத்தை ஏற்படுத்தியது. இந்த சுனாமிப் பேரலையால் தமிழக கடலோரப் பகுதியில் 8 ஆயிரத்துக்கும் அதிகமானோர் உயிரிழந்தனர். இந்த கோர நிகழ்வின் 18-வது ஆண்டு நினைவு தினம் இன்று.
👉 1999ஆம் ஆண்டு டிசம்பர் 26ஆம் தேதி இந்தியாவின் ஒன்பதாவது குடியரசுத் தலைவரான சங்கர் தயாள் சர்மா மறைந்தார்.
👉 1898ஆம் ஆண்டு டிசம்பர் 26ஆம் தேதி ரேடியம் கண்டுபிடிக்கப்பட்டது.
👉 1981ஆம் ஆண்டு டிசம்பர் 26ஆம் தேதி தமிழ் திரைப்பட நடிகை சாவித்திரி மறைந்தார்.
பிறந்த நாள் :-
சார்லஸ் பாபேஜ்
🌷 கணினியின் தந்தை என்றழைக்கப்படும் சார்லஸ் பாபேஜ் 1791ஆம் ஆண்டு டிசம்பர் 26ஆம் தேதி லண்டனில் பிறந்தார்.
🌷 1810ஆம் ஆண்டில் கேம்பிரிட்ஜில் உள்ள டிரினிட்டி பல்கலைக்கழகத்தில் இணைந்தவர், கணிதத்தில் தனது திறமையை வெளிப்படுத்தினார். 1834ஆம் ஆண்டு கணிதத்தையும், எந்திரத்தையும் இணைத்துப் பகுப்பாய்வுப் பொறி (Analytical Engine) என்ற முதல் கணினியை இவர் உருவாக்கினார்.
🌷 தொடக்க கால கணிப்பீட்டுப் பொறிகளான அனலிட்டிக்கல் என்ஜின் (Analytical Engine) மற்றும் டிஃபரன்ஸ் என்ஜினை (Difference Engine) வடிவமைத்தவர் சார்லஸ் பாபேஜ்.
🌷 இவர் நியமத் தொடருந்துப் பாதை (Difference Engine) அளவுக்கருவி, சீரான அஞ்சல் கட்டண முறை என பல கருவிகளை கண்டுபிடித்துள்ளார். இவர் தன்னுடைய 79வது வயதில் 1871ஆம் ஆண்டு மறைந்தார்.
பாபா ஆம்தே
🌹 'பாபா ஆம்தே' என்று அன்புடன் அழைக்கப்பட்ட முரளிதர் தேவிதாஸ் ஆம்தே 1914ஆம் ஆண்டு டிசம்பர் 26ஆம் தேதி மகாராஷ்டிர மாநிலம், வார்தா மாவட்டத்தின் ஹிங்கான்கட் என்ற கிராமத்தில் பிறந்தார்.
🌹 இவர் 1942ஆம் ஆண்டு வெள்ளையனே வெளியேறு போராட்டத்தின்போது வழக்கறிஞர்களை ஒன்று திரட்டி சிறையில் அடைக்கப்பட்ட தலைவர்களுக்காக வாதாடினார்.
🌹 காந்திஜி இவரை அபய சாதகன் (துணிவுடன் சத்தியத்தைத் தேடுபவன்) என்று அழைப்பார். இவர் தொழுநோயைக் கண்டறிதல் மற்றும் அதற்கான சிகிச்சை மையத்தைத் தொடங்கினார். இவருக்கு அரசு சிறிது நிலம் வழங்கியது. அங்கே சிறு குடில்களை அமைத்து, அங்குள்ள நோயாளிகளுக்கு கைத்தொழில் பயிற்சி கற்றுக்கொடுத்து, அதில் கிடைத்த லாபத்தை வைத்து பார்வையற்றோருக்காக ஒரு பள்ளியைத் தொடங்கினார்.
🌹 1988ஆம் ஆண்டு இந்திய ஒற்றுமையையும், ஒருமைப்பாட்டையும் வலியுறுத்தி பாரத் ஜோடோ (இந்தியாவை இணைத்தல்) பாத யாத்திரை தொடங்கினார். பத்ம விபூஷண், காந்தி அமைதிப் பரிசு, மகசேசே ஆகிய ஏராளமான தேசிய, சர்வதேச விருதுகளை பெற்றுள்ளார்.
🌹 தன் இறுதி மூச்சு வரை பின்தங்கிய மக்களுக்காகவே பாடுபட்டு வந்த பாபா ஆம்தே 2008ஆம் ஆண்டு தன்னுடைய 93-வது வயதில் மறைந்தார்.
இன்றைய தின நிகழ்வுகள்
👉887 – முதலாம் பெரிங்கார் இத்தாலியின் மன்னராக லோம்பார்டி பிரபுக்களால் நியமிக்கப்பட்டார்.
👉1489 – பெர்டினாண்டு, இசபெல்லா ஆட்சியாளர்களின் கத்தோலிக்கப் படைகள் அல்மேரீயாவை கிரனாதா அமீரகத்தின் சுல்தானிடமிருந்து கைப்பற்றின.
👉1776 – அமெரிக்கப் புரட்சிப் போர்: டிரென்டன் சண்டையில், அமெரிக்க விடுதலைப் படை எசியன் படைகளுடன் போரிட்டு வென்றது.
👉1792 – பிரெஞ்சுப் புரட்சி: பாரிசில் பதினாறாம் லூயி மன்னனுக்கெதிரான கடைசி விசாரணைகள் ஆரம்பமாயின.
👉1805 – ஆஸ்திரியாவும், பிரான்சும் பிரெசுபர்க் அமைதி உடன்பாட்டில் கையெழுத்திட்டன.
👉1811 – வேர்ஜீனியாவின் ரிச்மண்ட் நகரில் நாடக அரங்கில் இடம்பெற்ற தீவிபத்தில் வேர்ஜீனியாவின் ஆளுநர் ஜோர்ஜ் வில்லியம் சிமித் இறந்தார்.
👉1825 –புருசியப் பேரரசர் முதலாம் நிக்கலாசுக்கு எதிராக மூவாயிரத்துக்கும் அதிகமான உருசியத் தாராண்மைவாதிகள் சென் பீட்டர்ஸ்பேர்க் செனட் சதுக்கத்தில் திரண்டனர். இவர்களின் கிளர்ச்சி முறியடிக்கப்பட்டது.
👉1862 – ஐக்கிய அமெரிக்காவின் மினசோட்டாவில் 39 அமெரிக்கப் பழங்குடியினர் தூக்கிலிடப்பட்டனர்.
👉1870 – ஆல்ப்ஸ் மலைத்தொடரூடான 12.8-கிமீ நீள தொடருந்து சுரங்கப் பாதை அமைக்கப்பட்டது.
👉1882 – யாழ்ப்பாணம், மன்னார் உட்பட இலங்கையின் பல இடங்களிலும் பலத்த மழையுடன் சூறாவளி பெரும் சேதத்தை ஏற்படுத்தியது.
👉1896 – 1896 சிலாபம் கலவரம்: இலங்கை, சிலாபம் நகரில் சோனகர்களுக்கும், கத்தோலிக்க சிங்களவர்களுக்குமிடையில் கலவரம் வெடித்தது.
👉1898 – மேரி கியூரி, பியேர் கியூரி ஆகியோர் ரேடியத்தைத் தாம் கண்டுபிடித்ததாக அறிவித்தனர்.
👉1925 – இந்திய கம்யூனிஸ்ட் கட்சி ஆரம்பிக்கப்பட்டது.
👉1925 – துருக்கி கிரிகோரியன் நாட்காட்டிக்கு மாறியது.
👉1943 – இரண்டாம் உலகப் போர்: நோர்வேயில் செருமனிய போர்க்கப்ப்பல் ஷார்ன்ஹோஸ்ட் பிரித்தானியக் கடற்படையினால் தாக்கி மூழ்கடிக்கப்பட்டது.
👉1944 – ஆங் சான் பர்மாவின் நவீன இராணுவத்தை உருவாக்கினார்.
👉1948 – வட கொரியாவில் இருந்து கடைசி சோவியத் படைகள் வெளியேறின.
👉1972 – வியட்நாம் போர்: அமெரிக்காவின் பி-52 ஸ்ராடோபோட்ரெஸ் போர் வானூர்திகள் ஹனோய் நகரைத் தாக்கின.
👉1973 – சோவியத்தின் சோயூஸ் 13 விண்கலம் ஒரு வார பயணத்தின் பின் பூமி திரும்பியது.
👉1974 – சோவியத்தின் சல்யூட் 4 விண்கலம் விண்ணுக்கு அனுப்பப்பட்டது.
👉1975 – உலகின் முதலாவது வணிக-நோக்கு சுப்பர்சோனிக் வானூர்தி துப்போலெவ் டி.யு-144 சேவைக்கு விடப்பட்டது.
👉1976 – நேபாள கம்யுனிஸ்ட் கட்சி (மாவோயிஸ்ட்) அமைக்கப்பட்டது.
👉1979 – சோவியத் சிறப்புப் படையினர் ஆப்கானிஸ்தானின் அரசுத்தலைவர் மாளிகையைக் கைப்பற்றினர்.
👉1985 – கொரில்லா பற்றி ஆய்வுகள் நடத்திய அமெரிக்கப் பெண் டயான் ஃபாசி கொல்லப்பட்டார்.
👉1991 – சோவியத் ஒன்றியம் கலைக்கப்பட்டது. பனிப்போர் முடிவுக்கு வந்தது.
👉1999 – மத்திய ஐரோப்பாவில் சூறாவளி தாக்கியதில் 137 பேர் உயிரிழந்தனர்.
👉2003 – தென்கிழக்கு ஈரானில் பாம் நகரில் ஏற்பட்ட 6.6 ரிக்டர் நிலநடுக்கத்தால் 26,000 பேர் உயிரிழந்தனர்.
👉2004 – வடக்கு சுமாத்திராவை 9.1–9.3 Mw இந்தியப் பெருங்கடல் நிலநடுக்கம் தாக்கியதில் தாய்லாந்து, இந்தியா, இலங்கை, மாலைத்தீவுகள், மலேசியா, மியான்மர், வங்காளதேசம், இந்தோனேசியா ஆகிய நாடுகளில் ஏற்பட்ட ஆழிப்பேரலையால் 300,000 பேர் வரை இறந்தனர்.
👉2006 – சதாம் உசேனின் மேன்முறையீடு நிராகரிக்கப்பட்டு மரணதண்டனை உறுதி செய்யப்பட்டது.
👉2006 – நைஜீரியாவின் லாகோஸ் நகரில் எண்ணெய்க் குழாய் ஒன்று வெடித்ததில் 260 பேர் உயிரிழந்தனர்.
👉2009 – உலகின் மிக நீளமான அதி-விரைவு தொடருந்துப் பாதை சீனாவில் பெய்ஜிங்கிற்கும் குவாங்சௌவிற்கும் இடையில் அமைக்கப்பட்டது.
இன்றைய தின பிறப்புகள்
👉1617 – பெர்னாவ் தெ குவெய்ரோசு, போர்த்துக்கீச இயேசு சபை கத்தோலிக்கக் குரு, மதப்பரப்புனர், வரலாற்று எழுத்தாளர் (இ. 1688)
👉1780 – மேரி சோமர்வில்லி, இசுக்கொட்டியக் கணிதவியலாளர், வானியலாளர் (இ. 1872)
👉1791 – சார்ல்ஸ் பாபேஜ், ஆங்கிலேயக் கணிதவியலாளர், வித்தியாசப் பொறியைக் கண்டுபிடித்தவர் (இ. 1871)
👉1880 – எல்டன் மேயோ, ஆத்திரேலிய உளவியலாளர் (இ. 1949)
👉1893 – மா சே துங், சீனப் பொதுவுடைமைக் கட்சித் தலைவர் (இ. 1976)
👉1896 – சேனரத் பரணவிதான, இலங்கையின் முன்னோடித் தொல்லியலாளர், கல்வெட்டியலாளர் (இ 1972)
👉1899 – உத்தம் சிங், இந்தியப் புரட்சியாளர் (இ. 1940)
👉1901 – பீட்டர் வான் தெ கேம்ப், டச்சு வானியலாளர் (இ. 1995)
👉1904 – மீனாம்பாள் சிவராஜ், தமிழக பெண்ணியவாதி, அரசியல் செயற்பாட்டாளர் (இ. 1992)
👉1910 – எமிலி செங்கல், இந்திய விடுதலை போராட்ட செயற்பாட்டாளர், ஆத்திரியர் (இ. 1996)
👉1914 – பாபா ஆம்தே, இந்திய சமூக சேவகர், செயற்பாட்டாளர் (இ. 2008)
👉1925 – இரா. நல்லகண்ணு, இந்தியப் பொதுவுடைமைக் கட்சி அரசியல்வாதி, விடுதலைப் போராட்ட வீரர்
👉1929 – முருகு சுந்தரம், தமிழகக் கவிஞர் (இ. 2007)
👉1931 – எஸ். ஜேசுரத்தினம், ஈழத்து நாடக, திரைப்பட நடிகர், வானொலிக் கலைஞர் (இ. 2010)
👉1936 – விற்பி நீமெலா, பின்லாந்து-அர்ச்செந்தீன வானியலாளர் (இ. 2006)
👉1950 – ராசா பர்வைசு அசரஃப், பாக்கித்தானின் 17வது பிரதமர்
👉1971 – ஜாரெட் லெடோ, அமெரிக்க நடிகர்
இன்றைய தின இறப்புகள்
👉268 – தியோனீசியுஸ் (திருத்தந்தை)
👉418 – சோசிமஸ் (திருத்தந்தை)
👉1530 – பாபர், மங்கோலியப் பேரரசர் (பி. 1483)
👉1624 – சைமன் மாரியசு, செருமானிய வானியலாளர் (பி. 1573)
👉1886 – தியோடோர் வான் அப்போல்சர், ஆசுத்திரிய வானியலாளர், கணிதவியலாளர் (பி. 1841)
👉1931 – மெல்வில் தூவி, தூவி தசம வகைப்படுத்தல் முறையைக் கண்டுபிடித்த அமெரிக்கர் (பி. 1851)
👉1972 – ஹாரி எஸ். ட்ரூமன், அமெரிக்காவின் 33வது அரசுத்தலைவர் (பி. 1884)
👉1981 – சாவித்திரி, தென்னிந்தியத் திரைப்பட நடிகை
👉1985 – டயான் ஃபாசி, கொரில்லாவைப் பற்றி ஆய்வுகள் நடத்திய அமெரிக்கப் பெண் (பி. 1932)
👉1989 – கே. சங்கர் பிள்ளை, இந்தியக் கேலிச்சித்திர ஓவியர் (பி. 1902)
👉1999 – சங்கர் தயாள் சர்மா, இந்தியாவின் 9வது குடியரசுத் தலைவர் (பி. 1918)
👉2001 – கே. டி. கே. தங்கமணி, இந்தியக் கம்யூனிஸ்டுக் கட்சித் தலைவர், தொழிற்சங்கத் தலைவர் (பி. 1914)
👉2006 – ஜெரால்ட் ஃபோர்ட், அமெரிக்காவின் 38வது அரசுத்தலைவர் (பி. 1913)
👉2011 – சாரெகொப்பா பங்காரப்பா, கருநாடகத்தின் 15வது முதலமைச்சர் (பி. 1932)
👉2018 – ராய் கிளாபர், நோபல் பரிசு பெற்ற அமெரிக்க இயற்பியலாளர் (பி. 1925)
இன்றைய தின சிறப்பு நாள்
👉விடுதலை மற்றும் ஒற்றுமை நாள் (சுலோவீனியா)
👉பொக்சிங் நாள், (பொதுநலவாய நாடுகள்)
