👉 1966ஆம் ஆண்டு டிசம்பர் 15ஆம் தேதி உலகப் புகழ்பெற்ற கார்ட்டூன் ஓவியர் வால்ட் டிஸ்னி மறைந்தார்.
முக்கிய தினம் :-
சர்வதேச தேயிலை தினம்
🌟 சர்வதேச தேயிலை தினம் டிசம்பர் 15ஆம் தேதி கொண்டாடப்படுகிறது. முதல்முறையாக 2005 டிசம்பர் 15ஆம் தேதி புதுடில்லியில் கொண்டாடப்பட்டது. தேயிலைத் தோட்டத் தொழிலாளர்கள், தேயிலை உற்பத்தி செய்வோர்கள் மற்றும் தேயிலையைப் பயன்படுத்துபவர்கள் எதிர்நோக்கும் பிரச்சனைகளை அரசாங்கத்திற்கும், மக்களுக்கும் கொண்டு செல்வதே இத்தினத்தின் முக்கிய நோக்கம் ஆகும்.
நினைவு நாள் :-
சர்தார் வல்லபாய் படேல்
🌹 இந்தியாவின் 'இரும்பு மனிதர்' என்று போற்றப்படும் சர்தார் வல்லபாய் படேல் 1875ஆம் ஆண்டு அக்டோபர் 31ஆம் தேதி குஜராத்தில் பிறந்தார்.
🌹 சர்தார் வல்லபாய் படேலின் பிறந்த நாளான அக்டோபர் 31ஆம் தேதியை ஒவ்வொரு ஆண்டும் தேசிய ஒற்றுமை தினமாக மத்திய அரசு அனுசரிக்கிறது. நம் நாட்டின் ஒற்றுமைக்கும், ஒருமைப்பாட்டிற்கும், பாதுகாப்பிற்கும் அச்சுறுத்தலாக அமையும் விஷயங்களை எதிர்த்து நிற்கவும், நமக்குள் இருக்கும் உள்ளார்ந்த வலிமையை, எதிர்த்து நிற்கும் திறனை உறுதி செய்ய, இந்நாள் கடைபிடிக்கப்படுகிறது.
🌹 அகமதாபாத்தில் தன் வக்கீல் தொழில் மூலம் உள்ளூர் மக்களின் பிரச்சனைகளுக்கு உதவி, பிரபலமானார். 1917ம் ஆண்டு அகமதாபாத் மாநகராட்சி தேர்தலில் வெற்றி பெற்றார். சுதந்திர இந்தியாவின் முதல் உள்துறை அமைச்சராகவும், துணைப் பிரதமராகவும் பணியாற்றினார்.
🌹 சுதந்திரப் போராட்டத்தின் சிப்பாய் என்று அழைக்கப்பட்ட இவர் 75வது வயதில் 1950ஆம் ஆண்டு டிசம்பர் 15ஆம் தேதி மறைந்தார். 1991-ல் படேலுக்கு பாரத ரத்னா விருது வழங்கப்பட்டது.
பிறந்த நாள் :-
ஹென்றி பெக்கெரல்
🌹 கதிரியக்கத்தைக் கண்டுபிடித்த ஹென்றி பெக்கெரல் 1852ஆம் ஆண்டு டிசம்பர் 15ஆம் தேதி பிரான்ஸில் பிறந்தார்.
🌹 பெக்கெரல் 1896ஆம் ஆண்டு யுரேனியம் உப்பில் ஒளிர்வை (phosphorescence) ஆராயும்போது கதிரியக்கத்தைக் கண்டுபிடித்தார். 1903ஆம் ஆண்டு மேரி கியூரி மற்றும் பியேர் கியூரி ஆகியோருடன் சேர்த்து இவருக்கு கதிரியக்கத்தைக் கண்டுபிடித்தமைக்காக நோபல் பரிசு வழங்கப்பட்டது.
🌹 கதிரியக்கத்தின் எஸ்.ஐ (SI) அலகு முறை இவரது நினைவாக பெக்கெரல் (Bq) எனப் பெயர் சூட்டப்பட்டது. இவர் தன்னுடைய 55வது வயதில் (1908) மறைந்தார்.
ஜீவ் மில்க்கா சிங்
🌻 இந்திய கோல்ஃப் விளையாட்டு வீரர் ஜீவ் மில்க்கா சிங் 1971ஆம் ஆண்டு டிசம்பர் 15ஆம் தேதி சண்டிகரில் பிறந்தார்.
🌻 இவர் அமெரிக்காவில் அபிலீன் கிறிஸ்தவ பல்கலைக்கழகத்தில் கோல்ஃப் அணியில் விளையாடி NCAA Division II individual Golf Championship பட்டத்தைப் பெற்றார்.
🌻 அக்டோபர் 2006ஆம் ஆண்டு இவர் உலகில் முதல் இந்திய கோல்ஃப் வீரர் ஆவார். 2007ல் இவர் இந்தியாவின் பத்மஸ்ரீ விருதைப் பெற்றார்.
இன்றைய தின நிகழ்வுகள்.
👉687 – முதலாம் செர்கியசு திருத்தந்தையாகத் தெரிவு செய்யப்பட்டார்.
👉1025 – எட்டாம் கான்சுடண்டைன் பைசாந்தியப் பேரரசராக முடிசூடினார்.
👉1256 – மங்கோலியப் படைகள் உலாகு கான் தலைமையில் அலாமுட் (இன்றைய ஈரானில்) கோட்டையைக் கைப்பற்றி அழித்தன.
👉1778 – அமெரிக்கப் புரட்சிப் போர்: பிரித்தானிய, பிரெஞ்சுக் கடற்படைகள் செயிண்ட் லூசியா சமரில் மோதின.
👉1799 – முற்றிலும் உள்ளூர் மக்களைக்கொண்ட இலங்கையின் முதலாவது ஆங்கில மதப்பள்ளி கொழும்பில் ஆரம்பிக்கப்பட்டது.
👉1864 – அமெரிக்க உள்நாட்டுப் போர்: அமெரிக்கப் படைகள் கூட்டமைப்புப் படைகளை டென்னசியில் முற்றாகத் தோற்கடித்தனர்.
👉1891 – ஜேம்ஸ் நெய்ஸ்மித் கூடைப்பந்தாட்டத்தை முதன் முதலாக அறிமுகப்படுத்தினார்.
👉1905 – அலெக்சாண்டர் புஷ்கினின் கலாசாரப் பழமைகளைப் பேணும் பொருட்டு சென் பீட்டர்ஸ்பேர்க்கில் புஷ்கின் மாளிகை அமைக்கப்பட்டது.
👉1914 – முதலாம் உலகப் போர்: சேர்பிய இராணுவம் பெல்கிரேடை மீண்டும் கைப்பற்றியது.
👉1914 – சப்பானில் மிட்சுபிசி நிலக்கரிச் சுரங்கத்தில் ஏற்பட்ட வெடி விபத்தில் 687 பேர் கொல்லப்பட்டனர்.
👉1917 – முதலாம் உலகப் போர்: உருசியாவுக்கும் மைய நாடுகளுக்கும் இடையே போர்நிறுத்த உடன்பாடு ஏற்படுத்தப்பட்டது.
👉1941 – பெரும் இன அழிப்பு: உக்ரேனின் கார்கீவ் நகரில் 15,000 யூதர்கள் நாட்சிகளினால் கொல்லப்பட்டனர்.
👉1960 – மன்னர் மகேந்திரா நேபாளத்தின் அரசைக் கலைத்து நாட்டின் முழு அதிகாரத்தையும் தனதாக்கிக் கொண்டார்.
👉1961 – நாட்சி செருமனியின் இராணுவத்தலைவர் அடோல்வ் ஏச்மென் யூத மக்களுக்கு எதிராகப் புரிந்த குற்றங்களுக்காக மரண தண்டனை பெற்றார்.
👉1967 – ஒகையோவில் ஒகையோ ஆற்றிற்கு மேலே செல்லும் வெள்ளிப் பாலம் உடைந்து வீழ்ந்ததில் 46 பேர் உயிரிழந்தனர்.
👉1970 – சோவியத் ஒன்றியத்தின் வெனேரா 7 விண்கலம் வெள்ளி கோளின் மேற்பரப்பில் இறங்கியது. இதுவே வேறொரு கோளின் மீது இறங்கிய முதலாவது விண்கலமாகும்.
👉1970 – தென் கொரியப் பயணிகள் கப்பல் கொரிய நீரிணையில் மூழ்கியதில் 308 பேர் உயிரிழந்தனர்.
👉1978 – மக்கள் சீனக் குடியரசை அங்கீகரிப்பதாகவும் தாய்வானுடனான உறவுகளைத் துண்டிப்பதாகவும் அமெரிக்க அரசுத்தலைவர் ஜிம்மி கார்ட்டர் அறிவித்தார்.
👉1981 – லெபனான், பெய்ரூத் நகரில் ஈராக்க்கியத் தூதரகம் வாகனத் தற்கொலைக் குண்டுக்கு இலக்காகியதில் ஈராக்கியத் தூதர் உட்பட 61 பேர் கொல்லப்பட்டனர். இதுவே நவீன முறையில் அமைந்த முதலாவது தற்கொலைத் தாக்குதல் எனக் கருதப்படுகிறது.
👉1994 – இணைய உலாவி நெட்ஸ்கேப் நவிகேட்டர் 1.0 வெளியிடப்பட்டது.
👉1995 – ஈழப் போர்: ஈழத்தமிழருக்கு ஆதரவு தெரிவித்து திருச்சியில் “அப்துல் ரவூஃப்” என்பவர் தீக்குளித்து இறந்தார்.
👉1997 – தஜிகிஸ்தான் விமானம் ஒன்று ஐக்கிய அரபு அமீரகத்தின் சார்ஜா விமானநிலையத்திற்கு அருகில் வீழ்ந்து நொருங்கியதில் 85 பேர் உயிரிழந்தனர்.
👉1997 – தென் கிழக்கு ஆசியாவை அணுவாயுதமற்ற பகுதியாக அறிவிக்கும் உடன்படிக்கை பாங்கொக்கில் கையெழுத்திடப்பட்டது.
👉2001 – பீசாவின் சாயும் கோபுரம் 11 ஆண்டுகளின் பின்னர் மீண்டும் திறக்கப்பட்டது.
👉2006 – இலங்கை, கிழக்குப் பல்கலைக்கழக உபவேந்தர் கலாநிதி சிவசுப்பிரமணியம் ரவீந்திரநாத் கொழும்பில் இனம் தெரியாத ஆயுததாரிகளினால் கடத்தப்பட்டுக் காணாமல் போனார்.
👉2010 – 90 ஏதிலிகளை ஏற்றிச் சென்ற படகு கிறிஸ்துமசு தீவுக்கருகில் பாறைகளுடன் மோதியதில் 48 பேர் உயிரிழந்தனர்.
👉2013 – தெற்கு சூடான் உள்நாட்டுப் போர் ஆரம்பமானது.
👉2014 – சிட்னியின் மையப் பகுதியில் உணவகம் ஒன்றில் துப்பாக்கிதாரி ஒருவன் 18 பேரைப் பணயக் கைதிகளாகப் பிடித்தான். 16 மணி நேரத்தில் காவல்துறையினர் மீட்பு நடவடிக்கையில் ஈடுபட்ட போது, இரண்டு பணயக் கைதிகளும், துப்பாக்கிதாரியும் கொல்லப்பட்டனர்.
👉2017 – சாவகத் தீவில், தசிக்மலாயா நகரை 6.5 அளவு நிலநடுக்கம் தாக்கியதில் 4 பேர் உயிரிழந்தனர், 36 பேர் காயமடைந்தனர்.
இன்றைய தின பிறப்புகள்
👉37 – நீரோ, உரோமைப் பேரரசர் (இ. 68)
👉1832 – அலெக்சாந்தர் கஸ்டவ் ஈபல், ஈபெல் கோபுரத்தை வடிவமைத்த பிரான்சியக் கட்டிடக் கலைஞர் (இ. 1923)
👉1834 – சார்லசு அகத்தசு யங், அமெரிக்கச் சூரியக் கதிர்நிரலியல் வானியலாளர் (இ. 1908)
👉1852 – என்றி பெக்கெரல், நோபல் பரிசு பெற்ற பிரான்சிய இயற்பியலாளர் (இ. 1908)
👉1860 – நீல்ஸ் ரிபெர்க் ஃபின்சென், நோபல் பரிசு பெற்ற தென்மார்க்கு மருத்துவர் (இ. 1904)
👉1865 – ஜான் வுட்ரோஃப், பிரித்தானிய கீழ்த்திசை மொழிப்புலமையாளர் (இ. 1936)
👉1869 – திருப்பாம்புரம் நடராஜசுந்தரம் பிள்ளை, தமிழக நாதசுவரக் கலைஞர் (இ. 1938)
👉1889 – நீலகண்ட ஸ்ரீராம், அடையாறு பிரம்மஞான சபையின் தலைவர் (இ. 1973)
👉1894 – வைபர்த் தவுகிளாசு, கனடிய வானியலாளர் (இ. 1988)
👉1907 – ஒசுக்கார் நிமேயெர், ஐநா தலைமையகத்தை வடிவமைத்தவ பிரேசில் கட்டிடக் கலைஞர் (இ. 2012)
👉1908 – இரங்கநாதானந்தர், இந்திய மதகுரு (இ. 2005)
👉1913 – கா. ஸ்ரீ. ஸ்ரீ, தமிழக எழுத்தாளர், மொழிபெயர்ப்பாளர்
👉1932 – டி. என். சேஷன், இந்தியத் தலைமைத் தேர்தல் ஆணையர் (இ. 2019)
👉1933 – பாப்பு, ஆந்திர இயக்குநர் (இ. 2014)
👉1936 – சோ. ந. கந்தசாமி, தமிழகத் தமிழறிஞர்
👉1942 – மகிபை பாவிசைக்கோ, தமிழக எழுத்தாளர், பத்திரிக்கையாளர் (இ. 2016)
👉1944 – சிகோ மெண்டிஸ், பிரேசில் தொழிற்சங்கத் தலைவர் (இ. 1988)
👉1945 – வினு சக்ரவர்த்தி, தமிழ்த் திரைப்பட நடிகர் (இ. 2017)
👉1953 – ஈ. சரவணபவன், இலங்கை அரசியல்வாதி, ஊடகவியலாளர்
👉1978 – மாற்கு யான்சேன், டச்சு இசைக்கலைஞர்.
👉1982 – சார்லி சாக்ஸ், ஆங்கிலேய நடிகர்.
இன்றைய தின இறப்புகள்
👉1675 – யொகான்னசு வெர்மிர், டச்சு ஓவியர் (பி. 1632)
👉1857 – ஜார்ஜ் கேலி, ஆங்கிலப் பொறியாளர் (பி. 1773)
👉1890 – வீற்றிருக்கும் எருது, அமெரிக்கப் பழங்குடித் தலைவர் (பி. 1831)
👉1950 – வல்லபாய் பட்டேல், இந்திய அரசியல்வாதி (பி. 1875)
👉1952 – பொட்டி சிறீராமுலு, இந்திய விடுதலைப் போராட்ட செயற்பாட்டாளர் (பி. 1901)
👉1965 – மு. பாலசுந்தரம், இலங்கைத் தமிழ் அரசியல்வாதி (பி. 1903)
👉1966 – வால்ட் டிஸ்னி, அமெரிக்க இயக்குநர், தயாரிப்பாளர் (பி. 1901)
👉1987 – ப. ராமமூர்த்தி, இந்திய இடதுசாரி அரசியல்வாதி (பி. 1908)
👉2011 – எஸ். வி. ஆர். கணபதிப்பிள்ளை, இலங்கை மெல்லிசை, திரைப்படப் பின்னணிப் பாடகர்
👉2011 – கிறித்தோபர் இட்சன்சு, ஆங்கிலேய-அமெரிக்க எழுத்தாளர் (பி. 1949)
