🌸 1958ஆம் ஆண்டு அக்டோபர் 11ஆம் தேதி நாசாவின் முதலாவது விண்கலம் பயனியர் 1 சந்திரனை நோக்கி ஏவப்பட்டது. இது சந்திரனை அடையாமலே மீண்டும் இரண்டு நாட்களில் பூமியில் வீழ்ந்து எரிந்தது.


🌸 1968ஆம் ஆண்டு அக்டோபர் 11ஆம் தேதி நாசா முதல் தடவையாக மூன்று விண்வெளி வீரர்களை அப்பல்லோ 7 விண்கலத்தில் விண்ணுக்கு ஏவியது.

🌸 1908ஆம் ஆண்டு அக்டோபர் 11ஆம் தேதி திரைப்பட நடிகை கே.பி.சுந்தராம்பாள் பிறந்தார்.


முக்கிய தினம் :-


சர்வதேச பெண் குழந்தைகள் தினம்

 
🍀 பெண் சிசுவை பிறக்க விடக்கூடாது என்னும் பழமையான கண்ணோட்டத்திற்கு நவீன கண்டுபிடிப்பு கருவியும் துணைப்போவது தான் துயரம். தப்பி தவறி பிறக்கும் பெண் குழந்தைகளும் ஒவ்வொரு கட்டத்திலும் தப்பிப் பிழைத்து வளர்ந்து, வாழ்ந்து மறைய வேண்டியிருக்கிறது.

🍀 உடை, படிப்பு, விளையாட்டுப் பொருள் என ஒவ்வொரு விஷயத்திலும் புறக்கணிப்பை சந்திக்கும் பெண் குழந்தைகள் இளமையிலிருந்தே ஒவ்வொரு தடைகளையும் கடந்து தான் வளர்கிறார்கள்.

🍀 பெண் குழந்தைகளின் உரிமைகளை நிலைநாட்டவும், அவர்களின் சாதனைகளை அங்கீகரிக்கும் விதமாகவும், 2011ஆம் ஆண்டு ஐ.நா. சபை ஒரு தீர்மானத்தை நிறைவேற்றியது. அதன்படி, அக்டோபர் 11ஆம் தேதி சர்வதேச பெண் குழந்தைகள் தினமாக கொண்டாட முடிவு செய்யப்பட்டது.


பிறந்த நாள் :-


சாமுவேல் வேதநாயகம் பிள்ளை 

🌹 புகழ்பெற்ற தமிழ் எழுத்தாளரும், மறுமலர்ச்சி கவிஞருமான சாமுவேல் வேதநாயகம் பிள்ளை 1826ஆம் ஆண்டு அக்டோபர் 11ஆம் தேதி திருச்சி மாவட்டத்திலுள்ள குளத்தூரில் பிறந்தார்.

🌹 இவர் மாயூரம் மாவட்ட முன்சீஃபாக 13 ஆண்டுகள் பணிபுரிந்ததால், மாயூரம் வேதநாயகம் பிள்ளை என்றே அழைக்கப்பட்டார். வாழ்க்கை நெறிகள், பொது நீதிகள், பெண் கல்வி, ஒற்றுமை உணர்வு, புதிய சிந்தனைகள், முற்போக்கு கருத்துகள் ஆகியவை இவரது கவிதைகளின் கருப்பொருளாக அமைந்தன.

🌹 தமிழகத்தில் பஞ்சம் ஏற்பட்டபோது, தன் சொத்துகள் அனைத்தையும் தானமாக வழங்கினார். குழந்தை திருமணம், உடன்கட்டை ஏறும் வழக்கத்தை கடுமையாக எதிர்த்தார்.

🌹 தமிழின் முதல் புதினத்தைப் படைத்தவரும், மறுமலர்ச்சி கவிஞரும், சமூக சீர்திருத்தவாதியுமான சாமுவேல் வேதநாயகம் பிள்ளை 62வது வயதில் (1889) மறைந்தார்.


ஹென்ரிச் வில்லெம் ஒல்பெர்ஸ்

🌷 தற்காலப் பேரண்டவியல் கருத்துகளுக்கு முன்னோடியாக அரிய சிந்தனையை எழுப்பிய ஜெர்மானிய மருத்துவர், வானவியலாளர் ஹென்ரிச் வில்லெம் ஒல்பெர்ஸ் 1758ஆம் ஆண்டு அக்டோபர் 11ஆம் தேதி பிறந்தார்.

🌷 வால் நட்சத்திரம் மற்றும் வால் நட்சத்திரங்கள் செல்லும் பாதைகளை கணிக்கும்முறையை கண்டறிந்தவர். சிறுகோள் பாறைகளான பல்லாஸ், வெஸ்டா ஆகியவற்றை கண்டறிந்தவர்.

🌷 வானவியலில் பேரார்வம் கொண்டிருந்த இவர் 1840ஆம் ஆண்டு மார்ச் 2ஆம் தேதி மறைந்தார்.


இன்றைய நிகழ்வுகள்


1138 – சிரியா, அலெப்போ நகரில் பெரும் நிலநடுக்கம் ஏற்பட்டது. 200,000 பேர் வரையில் உயிரிழந்தனர்.

1142 – சீனாவில் சின் வம்சத்திற்கும், சொங் வம்சத்திற்கும் இடையில் அமைதி உடன்பாடு ஏற்பட்டது.

1531 – சுவிட்சர்லாந்தில் உரோமைக் கத்தோலிக்கப் பிரிவுகளுடன் ஏற்பட்ட போரில் உல்ரிக் சிவிங்கிலி கொல்லப்பட்டார்.

1582 – கிரெகொரியின் நாட்காட்டி அறிமுகப்படுத்தப்பட்டதை அடுத்து இத்தாலி, போலந்து, போர்த்துக்கல், ஸ்பெயின் ஆகிய நாடுகளில் புதிய நாட்காட்டியில் இவ்வாண்டின் இந்நாள் இடம்பெறவில்லை.

1634 – டென்மார்க் மற்றும் செருமனியில் இடம்பெற்ற பெரும் வெள்ளத்தினால் 15,000 பேர் உயிரிழந்தனர்.

1649 – 10-நாள் முற்றுகையின் பின்னர், ஆலிவர் கிராம்வெல்லின் ஆங்கிலேயப் படைகள் வெக்சுபோர்டு நகரைத் தாக்கியதில், 2,000 அயர்லாந்துக் கூட்டமைப்புப் படையினரும், 1,500 பொதுமக்களும் கொல்லப்பட்டனர்.

1727 – இரண்டாம் ஜோர்ஜ் பெரிய பிரித்தானியாவின் மன்னராக முடி சூடினார்.

1797 – பிரெஞ்சுப் புரட்சிப் போர்கள்: கேம்பர்டவுன் சமரில் நெதர்லாந்து கடற்படையுடன் நடந்த மோதலில் அரச கடற்படை வெற்றியடைந்தது.

1811 – முதலாவது நீராவிப் படகுக் கப்பல் சேவை ஜூலியானா நியூயார்க்கிற்கும் நியூ செர்சி, ஓபோகின் நகருக்கும் இடையில் ஆரம்பிக்கப்பட்டது.

1852 – ஆத்திரேலியாவின் மிகப் பழமையான பல்கலைக்கழகம் சிட்னி பல்கலைக்கழகம் ஆரம்பிக்கப்பட்டது.

1865 – ஜமெய்க்காவில் நூற்றுக்கும் அதிகமான கறுப்பின மக்கள் அரசுக்கெதிரான எதிர்ப்புப் போராட்டத்தை ஆரம்பித்தனர். இது அன்றைய பிரித்தானிய அரசால் நசுக்கப்பட்டதில் நானூறுக்கும் அதிகமான கறுப்பினத்தவர்கள் கொல்லப்பட்டனர்.

1899 – இரண்டாம் பூவர் போர் ஆரம்பம். தென்னாப்பிரிக்காவில் ஐக்கிய இராச்சியத்துக்கும் திரான்சுவால், ஆரஞ்சு இராச்சியத்தின் பூவர்களுக்கும் இடையே போர் ஆரம்பமானது.

1918 – புவேர்ட்டோ ரிக்கோவில் 7.1 அளவு நிலநடுக்கம் ஏற்பட்டதில் நூற்றுக்கும் அதிகமானோர் உயிரிழந்தனர்.

1941 – மாக்கடோனியத் தேசிய விடுதலைப் போர் ஆரம்பமானது.

1944 – துவா மக்கள் குடியரசு சோவியத் ஒன்றியத்துடன் இணைந்தது.

1954 – வட வியட்நாமை வியட் மின் படைகள் தமது கட்டுப்பாட்டுக்குள் கொண்டுவந்தன.

1958 – நாசாவின் முதலாவது விண்கலம் பயனியர் 1 சந்திரனை நோக்கி ஏவப்பட்டது. இது சந்திரனை அடையாமலே மீண்டும் இரண்டு நாட்களில் பூமியில் வீழ்ந்து எரிந்தது.

1962 – இரண்டாம் வத்திக்கான் பொதுச்சங்கம்: திருத்தந்தை 23-ஆம் யோவான் 92 ஆண்டுகளுக்குப் பின்னர் கத்தோலிக்க திருச்சபையின் முதலாவது கிறித்தவப் பொதுச்சங்கத்தை ஆரம்பித்து வைத்தார்.

1968 – நாசா முதற் தடவையாக மூன்று விண்வெளி வீரர்களை அப்பல்லோ 7 விண்கலத்தில் விண்ணுக்கு ஏவியது.

1984 – உருசியாவின் ஓம்சுக் நகரில் ஏரோபுளொட் விமானம் ஒன்று வீழ்ந்ததில் 178 பேர் உயிரிழந்தனர்.

1984 – சாலஞ்சர் விண்ணோடத்தில் சென்ற கேத்ரின் சலிவன் விண்ணில் நடந்த முதலாவது அமெரிக்கப் பெண் என்ற பெருமையைப் பெற்றார்.

1986 – பனிப்போர்: அமெரிக்கத் தலைவர் ரானல்ட் ரேகன், சோவியத் தலைவர் மிக்கைல் கொர்பச்சோவ் இருவரும் ஐரோப்பாவில் நடுத்தர ஏவுகணைகளைக் கட்டுப்படுத்தும் ஒப்பந்தம் தொடர்பாக ஐசுலாந்து ரெய்க்யவிக் நகரில் சந்தித்தனர்.

1987 – விடுதலைப் புலிகளுக்கு எதிராக இந்திய அமைதிப் படை பவான் நடவடிக்கை என்ற பெயரில் போரை ஆரம்பித்தது.

2000 – டிஸ்கவரி விண்ணோடம் நாசாவின் 100-வது விண்ணோடத் திட்டமாக ஏவப்பட்டது.

2002 – பின்லாந்தில் கடைத் தொகுதி ஒன்றில் இடம்பெற்ற குண்டுவெடிப்பில் ஏழு பேர் கொல்லப்பட்டனர்.

2006 – ஈழப்போர்: முகமாலையில் இடம்பெற்ற சமரில் 129 இராணுவத்தினரும் 22 விடுதலைப்புலிகளும் கொல்லப்பட்டனர். 300 இராணுவத்தினர் படுகாயமடைந்தனர்.

2013 – சிசிலி நீரிணையில் அகதிகளை ஏற்றிச் சென்ற கப்பல் கவிழ்ந்ததில் 34 பேர் உயிரிழந்தனர்.

இன்றைய பிறப்புகள்


1738 – ஆர்தர் பிலிப், நியூ சவுத் வேல்சின் 1வது ஆளுநர் (இ. 1814)

1758 – ஹென்ரிச் ஒல்பெர்ஸ், செருமானிய மருத்துவர், வானியலாளர் (இ. 1840)

1820 – ஆணல்ட் சதாசிவம்பிள்ளை, ஈழத்தின் தமிழறிஞர், தமிழாசிரியர், இதழாசிரியர், புலவர் (இ. 1896)

1826 – மாயூரம் வேதநாயகம்பிள்ளை, தமிழ்ப் புதின முன்னோடி (இ. 1889)

1872 – எமிலி டேவிசன், ஆங்கிலேயக் கல்வியாளர், செயற்பாட்டாளர் (இ. 1913)

1884 – எலினோர் ரூசுவெல்ட், அமெரிக்காவின் 39வது முதல் சீமாட்டி (இ. 1962)

1896 – உரோமன் யாக்கோபுசன், உருசிய-அமெரிக்க மொழியியலாளர் (இ. 1982)

1902 – ஜெயபிரகாஷ் நாராயண், இந்திய அரசியல்வாதி (இ. 1979)

1908 – கே. பி. சுந்தராம்பாள், தமிழிசைப் பாடகி, நாடக, திரைப்பட நடிகை (இ. 1980)

1916 – நானாஜி தேஷ்முக், இந்தியக் கல்வியாளர், செயற்பாட்டாளர் (இ. 2010)

1917 – வீக்தர் செர்கேயெவிச் சப்ரனோவ், சோவியத் உருசிய வானியலாளர் (இ. 1999)

1922 – எஸ். ராஜேஸ்வர ராவ், தென்னிந்தியத் திரைப்பட இசையமைப்பாளர் (இ. 1999)

1923 – ஹரிஷ்-சந்திரா, இந்திய-அமெரிக்க கணிதவியலாளர், இயற்பியலாளர் (இ. 1983)

1926 – திக் நியாட் ஹன், வியட்நாமிய கவிஞர், மதகுரு

1930 – கே. பி. உமர், இந்திய நடிகர் (இ. 2001)

1942 – அமிதாப் பச்சன், இந்திய நடிகர்

1947 – லூகாசு பாபடெமோசு, கிரேக்கத்தின் 183வது பிரதமர்

1952 – ஐசக் இன்பராஜா, ஈழத்து நாடகக் கலைஞர் (இ. 2014)

1962 – ஆன் என்ரைட், ஐரிய எழுத்தாளர்

1969 – மெரீமே சாதிது, மொரோக்கோ வானியலாளர்

1977 – மாட் போமேர், அமெரிக்க நடிகர்

1984 – நிவின் பவுலி, மலையாளத் திரைப்பட நடிகர்

இன்றைய இறப்புகள்


1531 – உல்ரிச் ஸ்விங்ளி, சுவிட்சர்லாந்து இறையியலாளர் (பி. 1484)

1889 – ஜேம்ஸ் பிரிஸ்காட் ஜூல், ஆங்கிலேய இயற்பியலாளர் (பி. 1818)

1896 – ஆன்டன் புரூக்னர், ஆத்திரிய இசையமைப்பாளர் (பி. 1824)

2006 – ஏ. ஜே. கனகரத்னா, ஈழத்தின் எழுத்தாளர், கல்வியாளர் (பி. 1934)

2014 – அப்பாஸ் அலி, இந்திய விடுதலைப் போராட்ட வீரர் (பி. 1920)

2015 – எஸ். ஏ. டேவிட், ஈழத்துக் கட்டடக் கலைஞர், காந்தியவாதி, செயற்பாட்டாளர் (பி. 1924)

2019 – கத்ரி கோபால்நாத், தென்னிந்திய சாக்சபோன் இசைக் கலைஞர் (பி. 1949)

2019 – அலெக்சி லியோனொவ், சோவியத்-உருசிய விண்வெளி வீரர் (பி. 1934)

இன்றைய சிறப்பு நாள்


பன்னாட்டுப் பெண் குழந்தைகள் நாள்

புரட்சி நாள் (மாக்கடோனியக் குடியரசு)