✈ 1927ஆம் ஆண்டு செப்டம்பர் 20ஆம் தேதி இந்திய விடுதலைப் போராட்ட வீரர் பர்கதுல்லா மறைந்தார். 


📝 1878ஆம் ஆண்டு செப்டம்பர் 20ஆம் தேதி தி ஹிந்து இதழ் வெளிவரத் துவங்கியது. 

📨 1847ஆம் ஆண்டு செப்டம்பர் 20ஆம் தேதி நீலப் பென்னி அஞ்சல் தலையை பிரிட்டானியா, மொரீசியசில் வெளியிட்டது. 

🏁 1932ஆம் ஆண்டு செப்டம்பர் 20ஆம் தேதி மகாத்மா காந்தி பூனே சிறையில் உண்ணாவிரதத்தை ஆரம்பித்தார். 

🚀 1993ஆம் ஆண்டு செப்டம்பர் 20ஆம் தேதி துருவ செயற்கை கோள் ஏவுகணையை இந்தியா ஏவியது.


நினைவு நாள் :-

🌺 1933ஆம் ஆண்டு செப்டம்பர் 20ஆம் தேதி பெண் விடுதலைக்காக போராடிய அன்னி பெசன்ட் அம்மையார் மறைந்தார்.


பிறந்த நாள் :-


மார்க்கண்டேய கட்சு

📰 முன்னாள் இந்திய உச்சநீதி மன்ற நீதிபதியாகவும், உயர்நீதி மன்றங்களில் முதன்மை நீதிபதியாகவும் இருந்த மார்க்கண்டேய கட்சு 1946ஆம் ஆண்டு செப்டம்பர் 20ஆம் தேதி பிறந்தார். 

📰 இவர் 1967 இல் அலகாபாத் பல்கலைக்கழகத்தில் பயின்று சட்டப் படிப்பில் முதல் மாணவராகத் தேர்ச்சிப் பெற்றார்.

📰 இவர் தேசிய சட்டப் பல்கலைக்கழகம் புது தில்லி, ராம் மனோகர் லோகியா தேசிய சட்டப் பல்கலைகழகம், லக்னோ ஆகியவற்றில் கௌரவப் பேராசிரியராக இருந்தார்.

📰 இவர் இந்தியப் பத்திரிக்கை கவுன்சில் தலைவராக (2011 - 2014) இருந்தார். சமூக மாற்றத்திற்கான நல்ல கருத்துகளைப் பரப்பிய இவர் தனது 71வது வயதில் அடியெடுத்து வைக்கிறார். 


ஜேம்ஸ் திவார்

🍼 வாக்கும் பிளாஸ்க்கை (vacuum flask) கண்டுபிடித்த ஜேம்ஸ் திவார் 1842ஆம் ஆண்டு செப்டம்பர் 20ஆம் தேதி ஸ்காட்லாந்தில் உள்ள கின்கார்டைன் எனும் கிராமத்தில் பிறந்தார்.

🍼 இவர் 1897ல் இரட்டைசுவர் கண்ணாடி குடுவையில், வெற்றிடத்தோடு, மேலும் சில மாறுதல்களை செய்த போது, குளிர் நிலையில் மட்டுமல்ல, வெப்ப நிலையிலும் பொருட்களை பாதுகாக்க முடியும் என்பதை கண்டறிந்தார்.

🍼 வெற்றிடத்தின் வழியாக வெப்பம் கதிராக வெளியேறிவிட முடியும் என்பதால், குடுவையின் உட்புறம், வெள்ளி முலாம் பூசி, அதில் சிறிதளவு வெப்பமும் வெளியேற வாய்ப்பின்றி தடுத்தார் திவார். பிறகு, கார்டைட் என்ற வெடிப்பொருளை கண்டுபிடித்தார்.

🍼 இரட்டை சுவர் பாத்திர வடிவமைப்பை கண்ணாடி குடுவையாக ஏற்படுத்தி, பலவித வாயுக்களை அந்த இரண்டு சுவருக்கும் இடைப்பட்ட இடைவெளியில் அடைத்து வைத்து உள்ளிருக்கும் திரவத்தின் குளிர், வெப்பம் மாறா தன்மையை சோதனை செய்தார்.

🍼 கிட்டதட்ட உலகின் எல்லா நாடுகளிலும் பிரபலமான, விஞ்ஞான உலகமே பார்த்து வியந்த ஜேம்ஸ் திவார், தனது 80வது வயதில் (1923) மறைந்தார். 

இன்றைய நிகழ்வுகள்


1187 – சலாகுத்தீன் எருசலேம் முற்றுகையை ஆரம்பித்தான்.

1378 – கர்தினால் இராபர்ட் ஏழாம் கிளமெண்டு என்ற பெயரில் திருத்தந்தையாகத் தேர்ந்தெடுக்கப்பட்டார். மேற்கு சமயப்பிளவு ஆரம்பமானது.

1498 – சப்பானில் இடம்பெற்ற நிலநடுக்கம் மற்றும் ஆழிப்பேரலையால் கோத்தோக்கு-இன் என்ற இடத்தில் இருந்த புத்த கோவில் அழிந்தது. அன்றில் இருந்து அங்குள்ள மாபெரும் புத்த சிலை வெட்டவெளியில் காணப்படுகிறது.

1519 – பெர்டினென்ட் மகலன் 270 பேருடன் எசுப்பானியாவின் சான்லூகர் டி பரமேடா என்ற இடத்தில் இருந்து உலகைச் சுற்றிவரப் புறப்பட்டார்.

1697 – ஒன்பதாண்டுப் போரை (1688-1697) முடிவுக்குக் கொண்டுவரும் பொருட்டு பிரான்சு, இங்கிலாந்து, எசுப்பானியா, புனித உரோமைப் பேரரசு இடச்சுக் குடியரசு ஆகியவற்றிற்கிடையில் அமைதி உடன்பாடு எட்டப்பட்டது.

1847 – நீலப் பென்னி அஞ்சல் தலையை பிரித்தானியா மொரீசியசில் வெளியிட்டது.

1854 – கிரிமியப் போர்: பிரித்தானிய, பிரெஞ்சுப் படைகள் ஆல்மா நகரில் இடம்பெற்ற போரில் உருசியரைத் தோற்கடித்தன.

1857 – கிழக்கிந்தியக் கம்பனிக்கு விசுவாசமான படைகள் தில்லியைக் கைப்பற்றின. சிப்பாய்க் கிளர்ச்சி முடிவுக்கு வந்தது.

1878 – தி இந்து முதலாவது இதழ் வெளியிடப்பட்டது.

1893 – அமெரிக்காவில் முதன் முதலாக தயாரிக்கப்பட்ட பெட்ரோலினால் இயங்கும் தானுந்து சோதிக்கப்பட்டது.

1909 – நன்னம்பிக்கை முனை, நட்டால், ஒரேஞ்சு, திரான்சுவால் ஆகிய பிரித்தானியக் குடியேற்றங்கள் ஒன்றிணைக்கப்பட்டு தென்னாபிரிக்க ஒன்றியம் உருவாக்கப்படுவதற்கு ஆதரவாக ஐக்கிய இராச்சியத்தின் நாடாளுமன்றம் வாக்களித்தது.

1932 – மகாத்மா காந்தி பூனே சிறையில் உண்ணாநோன்பை ஆரம்பித்தார்.

1941 – லித்துவேனியாவில் 403 யூதர்கள் (128 ஆண்கள், 176 பெண்கள், 99 குழந்தைகள்) கொல்லப்பட்டனர்.

1942 – உக்ரைனில் நாட்சி ஜெர்மனியர்கள் இரண்டு நாட்களில் மொத்தம் 3,000 யூதர்களைக் கொன்றனர்.

1943 – இரண்டாம் உலகப் போர்: கனடாவின் போர்க்கப்பல் ஒன்று ஐசுலாந்தின் தெற்கே தாக்கி அழிக்கப்பட்டதில் 145 பேர் கொல்லப்பட்டனர்.

1945 – மகாத்மா காந்தியும் சவகர்லால் நேருவும் பிரித்தானியப் படைகளை வெளியேறக் கோரினர்.

1946 – போரினால் 7 ஆண்டுகள் நடத்தப்படாதிருந்த கான் திரைப்பட விழா இடம்பெற்றது.

1946 – பொது வாக்கெடுப்பு நடைபெற்று ஆறு நாட்களின் பின்னர், டென்மார்க் மன்னர் பத்தாம் கிறித்தியான் பரோயே தீவுகளின் விடுதலைப் பிரடனத்தை ரத்துச் செய்தார்.

1955 – சோவியத் ஒன்றியத்துக்கும் கிழக்கு செருமனிக்கும் இடையே புரிந்துணர்வு ஒப்பந்தம் ஏற்பட்டது.

1966 – சேர்வெயர் 2 விண்கலம் சந்திரனை நோக்கிச் செலுத்தப்பட்டது.

1977 – வியட்நாம் ஐநாவில் இணைந்தது.

1979 – பிரான்சின் ஆதரவுடன் மத்திய ஆபிரிக்கக் குடியரசில் இடம்பெற்ற இராணுவப் புரட்சியை அடுத்து முதலாம் பொக்காசா பேரரசர் பதவியில் இருந்து அகற்றப்பட்டார்.

1984 – லெபனானில் பெய்ரூட் நகரில் அமெரிக்க தூதரகத்தின் மீது நடத்தப்பட்ட தானுந்துத் தற்கொலைத் தாக்குதலில் 22 பேர் கொல்லப்பட்டனர்.

1990 – சவுக்கடி படுகொலைகள்: இலங்கை, மட்டக்களப்பு, ஏறாவூர்ப்பற்றில் சவுக்கடி கிராமத்தில் பெண்கள், குழந்தைகள் உட்பட 30 தமிழர்கள் இராணுவத்தினரால் படுகொலை செய்யப்பட்டு, தீயிட்டு எரிக்கப்பட்டப்பட்டனர்.

1990 – தெற்கு ஒசேத்தியா ஜோர்ஜியாவிடம் இருந்து விடுதலையை அறிவித்தது. எந்த நாடும் அங்கீகரிக்கவில்லை.

1993 – துருவ செயற்கைக்கோள் ஏவுகணையை இந்தியா ஏவியது.

2001 – அமெரிக்க அரசுத்தலைவர் ஜார்ஜ் டபிள்யூ புஷ் "பயங்கரவாதத்திற்கு எதிரான போரை" அறிவித்தார்.

2003 – மாலைத்தீவுகளில் கைதி ஒருவர் கொல்லப்பட்டதை அடுத்து நாட்டில் கலவரம் வெடித்தது.

2017 – சூறாவளி மரியா புவேர்ட்டோ ரிக்கோவைத் தாக்கியதில் 2,975 பேர் உயிரிழந்தனர்.

2018 – தன்சானியா, விக்டோரியா ஏரியில் உக்காரா தீவு அருகே பயணிகள் கப்பல் ஒன்று மூழ்கியதில் 161 பேர் உயிரிழந்தனர்.

இன்றைய பிறப்புகள்


1870 – இரா. இராகவையங்கார், தமிழக நூலாசிரியர், உரையாசிரியர், கவிஞர், மொழிபெயர்ப்பாளர் (இ. 1946)

1908 – ப. ராமமூர்த்தி, இந்திய மார்க்சிய அரசியல்வாதி (இ. 1987)

1920 – சி. ஆர். ராவ், இந்திய-அமெரிக்க கணிதவியலாளர், புள்ளியியலாளர்

1923 – நாகேசுவரராவ், தென்னிந்திய நடிகர், தயாரிப்பாளர் (இ. 2014)

1940 – டாரோ ஆசோ, சப்பானின் 92வது பிரதமர்

1946 – மார்க்கண்டேய கட்சு, இந்திய நீதிபதி, வழக்கறிஞர்

1948 – ஜார்ஜ் ஆர். ஆர். மார்ட்டின், அமெரிக்க எழுத்தாளர்

1949 – மகேசு பட், இந்திய இயக்குநர், தயாரிப்பாளர்

1952 – மனுவேல் செலாயா, ஒந்துராசின் அரசுத்தலைவர்

1971 – மிஷ்கின், தமிழகத் திரைப்பட இயக்குனர்

1984 – சௌந்தர்யா ரஜினிகாந்த், தமிழ்த் திரைப்பட வரைகலை வடிவமைப்பாளர், இயக்குநர், தயாரிப்பாளர்

1991 – ஸ்பென்சர் லோக்கே, அமெரிக்க நடிகை

இன்றைய இறப்புகள்


1796 – யுவான் ஒசே எலுயார், எசுப்பானிய வேதியியலாளர், கனிமவியலாளர் (பி. 1754)

1840 – யோசே கஸ்பார் ரொட்டிரிகே தி பிரான்சியா, பரகுவே அரசியல்வாதி (பி. 1766)

1863 – ஜேக்கப் கிரிம், செருமானிய பண்பாட்டு ஆய்வாளர் (இ. 1785)

1927 – பர்கதுல்லா, இந்திய விடுதலைப் போராட்ட வீரர், எழுத்தாளர் (பி. 1854)

1928 – நாராயணகுரு, இந்திய ஆன்மிகவாதி, சமூக சீர்திருத்தவாதி (பி. 1855)

1933 – அன்னி பெசண்ட், ஆங்கிலேய பிரம்மஞானி, பெண்ணிய செயற்பாட்டாளர் (பி. 1847)

1996 – பால் ஏர்டோசு, அங்கேரிய-போலந்து கணிதவியலாளர் (பி. 1913)

1999 – டி. ஆர். ராஜகுமாரி, தமிழ்த் திரைப்பட நடிகை (பி. 1922)

2011 – புர்கானுத்தீன் ரப்பானி, ஆப்கானித்தானின் 10வது அரசுத்தலைவர் (பி. 1940)

2015 – ஜக்மோகன் டால்மியா, இந்தியத் தொழிலதிபர் (பி. 1940)

இன்றைய சிறப்பு நாள்


விடுதலை நாள் (தெற்கு ஒசேத்தியா)

குழந்தைகள் நாள் (செருமனி)