👉 1972ஆம் ஆண்டு ஜூலை 2ஆம் தேதி இந்தியாவுக்கும், பாகிஸ்தானுக்கும் இடையே சிம்லா ஒப்பந்தம் கையெழுத்தானது.
👉 1862ஆம் ஆண்டு ஜூலை 2ஆம் தேதி படிகங்களின் அமைப்பை கண்டுபிடித்தவரும், எக்ஸ் கதிர் நிறமாலைமானியை உருவாக்கியவருமான சர் வில்லியம் ஹென்றி பிராக் (Sir William Henry Bragg) இங்கிலாந்தில் பிறந்தார்.
👉 1877ஆம் ஆண்டு ஜூலை 2ஆம் தேதி உலக புகழ்பெற்ற கவிஞரும், இலக்கியத்திற்கான நோபல் பரிசு பெற்றவருமான ஹெர்மன் ஹெசே (Hermann Hesse) ஜெர்மனியில் பிறந்தார்.
👉 2013ஆம் ஆண்டு ஜூலை 2ஆம் தேதி கணினிச் சுட்டியை (Computer Mouse) கண்டுபிடித்த டக்லஸ் எங்கல்பர்ட் மறைந்தார்.
👉 1923ஆம் ஆண்டு ஜூலை 2ஆம் தேதி இலக்கியத்திற்கான நோபல் பரிசு பெற்ற கவிஞர் விஸ்லாவா சிம்பார்ஸ்கா போலாந்தில் பிறந்தார்.
முக்கிய தினம் :-
சர்வதேச விளையாட்டு பத்திரிக்கையாளர்கள் தினம்
👉 இண்டர்நேஷனல் ஸ்போர்ட்ஸ் பிரஸ் அசோசியேஷன் என்ற அமைப்பு விளையாட்டு பத்திரிக்கையாளர்களுக்காக 1924ம் ஆண்டு, ஜூலை 2ஆம் தேதி தொடங்கப்பட்டது. அந்த தினமே சர்வதேச விளையாட்டு பத்திரிக்கையாளர்கள் தினமாக கொண்டாடப்பட்டு வருகிறது.
பிறந்த நாள் :-
மயில்சாமி அண்ணாதுரை
👉 தமிழகத்தைச் சேர்ந்த விண்வெளி ஆராய்ச்சியாளர் மயில்சாமி அண்ணாதுரை 1958ஆம் ஆண்டு ஜூலை 2ஆம் தேதி கோவை மாவட்டத்தில் கோதவாடி என்ற கிராமத்தில் பிறந்தார்.
👉 தனது பொறியியல் படிப்பை முடித்தவுடன் இஸ்ரோ நிறுவனத்தில் இளநிலை ஆய்வாளராக 1982-ல் சேர்ந்தார். இவரது திறமையால் செயற்கைக்கோள் முடுக்கியை உருவாக்கும் அணியின் தலைவராக 1985-ல் நியமிக்கப்பட்டார்.
👉 பிறகு செயற்கைக்கோள் விண்கலன் இயக்க மேலாளர் (1988), இன்சாட் துணை இயக்குநர் (1994), மேலும் இன்சாட்-2சி, இன்சாட்-2டி, இன்சாட்-3பி, ஜிசாட்-1 ஆகியவற்றின் திட்ட இயக்குநராகவும் பணியாற்றினார்.
👉 2004-ல் சந்திரயான் திட்ட இயக்குநரானார். அதுமட்டுமல்லாது தொலையுணர்வு செயற்கைக்கோள், மங்கள்யான் போன்றவற்றின் தலைமை இயக்குநராகவும் பணியாற்றியுள்ளார்.
👉 மேலும் அஸ்ட்ரோசாட், ஆதித்யா-L1 செயற்கைக்கோள்களை வழிநடத்தியுள்ளார். இவர் பத்மஸ்ரீ, சந்திரயான் திட்டத்திற்காக 3 சர்வதேச விருதுகள், 4 விண்வெளி விருதுகள், பல்வேறு அமைப்புகளின் கௌரவ விருதுகளையும் பெற்றுள்ளார்.
👉 மற்ற நாடுகளுக்கு இணையாக இந்தியாவின் தரத்தை உயர்த்திய இவர் 61வது வயதில் அடியெடுத்து வைக்கிறார்.